Што се адитиви во храната и колку се штетни?

Дали постојано сте преморени, уживате во попладневната дремка и ви требаат барем 3 шолји кафе за да го преживеете денот? Најверојатно и целото слободно време сакате да го поминете испружени пред телевизор.

Доколку немате здравствен проблем што би направил да се чувствувате вака, најверојатно виновен е вашиот начин на исхрана.

Понекогаш, исцрпеноста што ја чувствувате после јадење може да биде предизвикана од адитивите, состојки кои денес се наоѓаат во речиси сите прехранбени продукти.

Но што всушност претставуваат адитивите и дали навистина треба да ги избегнувате?

Адитивите се супстанци што ѝ се додаваат на храната, најчесто за да ѝ го подобрат вкусот и изгледот и да го продолжат нејзиниот рок на траење.

Некои од овие супстанци неретко се поврзувани со сериозни здравствени проблеми, додека другите можат да се консумираат со минимален ризик.

Погледнете ги 9-те најчести адитиви во нашата храна:

Мононатриум глутамат

Мононатриум глутаматот, или MSG, е чест адитив во храната чија задача е да го засили и подобри вкусот на солените јадења. Се наоѓа во многу видови преработена храна, како замрзнати оброци, солени ужини и конзервирани супи. Исто така често се додава во храната во рестораните.

Според некои истражувања, некои луѓе навистина се чувствителни на оваа супстанца, но другите не би требало да имаат проблем доколку ја консумираат умерено.

Доколку забележите каков било проблем, најдобро е да го избегнувате овој адитив.

Вештачка боја за храна

Вештачката прехранбена боја се користи за подобрување на изгледот на секаков вид храна.

За овој адитив се покажало дека кај чувствителните деца, може да предизвика хиперактивност. Истовремено, се покажало дека супстанцата позната како Red 3 можеби го зголемува ризикот од тумори на тироидната жлезда кај животните.

Натриум нитрат

Оваа супстанца најчесто се наоѓа во преработените месни производи со цел да се забави размножувањето на бактериите. Истовремено, натриум нитратот додава соленкаст вкус и црвено-розова боја.

Кога е изложен на висока температура, натриум нитратот, во присуство на аминокиселини, може да се претвори во нитросамин – состојка што има негативно влијание врз здравјето.

Претераното консумирање на овој адитив можеби е поврзан со зголемен ризик од неколку видови рак.

Гуар гума

Оваа состојка е всушност јаглехидрат што се користи за згуснување и сврзување на храната. Наголемо се користи во прехранбената индустрија и може да се најде во сладоледи, преливи за салати, сосови и супи.

За разлика од останатите адитиви, гуар гумата покажала и позитивни ефекти врз здравјето. На пример, ги намалувала симптомите како подуеност и констипација.

Сепак, претераното консумирање може да има несаканите ефекти, како гас, подуеност и грчеви.

Продолжува на следната страница...