Што се адитиви во храната и колку се штетни?

Пченкарен сируп со фруктоза

Пченкарниот сируп е засладувач направен од пченка. Најчесто се додава во газираните пијалаци, соковите, слатките, житариците и ужините.

Овој сируп е богат со фруктоза, која пак може да предизвика сериозни проблеми доколку се консумира прекумерно, како дебелеење, дијабетес и разни воспаленија.

Вештачки засладувачи

Вештачките засладувачи се наоѓаат во речиси секој прехранбен продукт. Постојат неколку видови вештачки засладувачи чија задача е да го направат продуктот поблаг, без да го зголемат неговиот број на калории.

Вештачките засладувачи можат да помогнат во слабеењето и намалувањето на шеќерот во крвта, но доколку претерате, можат да предизвикаат главоболки.

Натриум бензоат

Оваа супстанца е презерватив кој најчесто се додава во газираните пијалаци и киселата храна, како преливи за салати, кисели краставички и овошни сокови.

Иако воглавно оваа супстанца е безбедна, понекогаш е поврзана со зголемена хиперактивност.

Транс масти

Транс мастите се незаситени масти кои можат да се најдат во преработена храна како печива, маргарин, пуканки за микробранова и бисквити.

Биејќи се поврзани со многу здравствени проблеми, Федерацијата за храна и лекови ги отстранила од листата на генерално безбедни адитиви.

Консумирањето транс масти е поврзано со воспаленија, проблеми со срцето и дијабетес.

Вештачки вкусови

Вештачките вкусови се хемикалии кои се дизајнирани да имитираат вкус на други состојки. Можат да се најдат во речиси сите прехранбени продукти.

Некои истражувања на животни покажале дека овие состојки можат да имаат лошо влијание врз коскената срж. Сепак, потребни се дополнителни истражувања за нивното влијание врз здравјето на човекот.

Спирова С. | Црнобело