Утре започнува божиќниот пост - Кога се јаде риба, а кога се пости „на вода“?

Божиќниот пост започнува утре, на 28-ми ноември. Овој пост трае 40 дена, но за разлика од велигденскиот, не е многу строг.

Божиќниот пост завршува на 6-ти јануари, а во текот на овој период не се јадат месо, јајца и млечни производи.

Маслото и виното се дозволени во сите денови, освен во понеделник, среда и петок. Овие денови се пости „на вода“.

Рибата се јаде секоја сабота и недела, како и на Воведение на Пресвета Богородица (празник познат и како Пречиста).

Во последната недела пред Божиќ, постот станува построг. Не се консумира риба и се препорачува да се пости на вода.

На Бадник не се консумираат ни масло ни вино и верниците постат само на вода.

Важно е за православните христијани од државите во кои Нова година се слави по новиот календар да не ги прекршат постите за новогодишната ноќ.

Се препорачува Нова година да ја слават по православниот календар, почитувајќи ги традицијата на предците и црковните правила.

Според толкувањето на многу свештеници, постот вклучува воздржување од мрсна храна, злобни мисли, сексуален нагон и лоши дела. Истовремено, се препорачува почесто молење и правење добро.

Целта на овој пост е чистење на телото, зајакнување на волјата и издигнување на душата над телото.

Спирова С. | Црнобело