Зошто кесичките чипс се полупразни? Не е за да „плаќате воздух“

Иако сите мислиме дека кесичките чипс се полупразни, односно дополнети со обичен воздух, само за да плаќаме повеќе, тоа е сосема погрешно.

Кесичките не се полнат со воздух за да ви ги земат парите, туку со конзерванс во облик на гас, кој служи за компирчињата да останат подолго крцкави.

Дополнително, вака наполнетите кесички помагаат парчињата чипс да не се претворат во трошки при транспорт.

Конзервансот во облик на гас исто така помага да се намали ризикот од бактерии и влага, па храната која „не дише“ подолго останува свежа и чиста.

Сега и не звучи толку страшно, нели?

М. Д. | Црнобело