Блага паста од грав и уште 9 (необични) десерти од целиот свет кои вреди да ги пробате барем еднаш

Кога има снег, Канаѓаните сакаат да си прават необични лижалчиња – го зовриваат јаворовиот сируп и го истураат врз чист снег за да се стврдне.

Секоја земја нуди уникатни вкусови без разлика дали станува збор за солени јадења или десерти. Некогаш нам вие традиционални јадења и десерти ни изгледаат чудно, а некогаш нè потсетуваат на нашата кујна.

Но, ако сте љубопитни, дефинитивно вреди да ги пробате сите, дури и оние најчудните.

Во продолжение 10 традиционални десерти од целиот свет:

Hagelslag – Холандија

Овој холандски десерт можете да си го направите и дома. Сè што ви треба е леб, несолен путер и чоколадни трошки.

Постојат и други верзии од овој десерт – наместо путер, можете да ставите мед или путер од кикиритки.

Лижалче од снег и јаворов сируп – Канада

Канаѓаните го обожаваат јаворовиот сируп, а бидејќи кај нив има и многу снежни денови, измислиле навистина необичен, но наводно вкусен десерт.

Десертот се прави со зовриен јаворов сируп кој се истура врз чист снег. Снегот веднаш ќе го стврдне јаворовиот сируп, па се добива нешто налик на лижалче.

Frejol colado – Перу

Главната состојка на овој традиционален перуански десерт е црниот грав.

Најпрво гравот се остава цел ден во вода, потоа се лупи и од него се прави паста. Во пастата се додаваат млеко, шеќер, цимет, каранфилче и кафеав шеќер, а се украсува со печен сусам.

Kürtőskalács – Романија и Унгарија

Овој десерт е вид печиво и потекнува од Трансилванија, а е популарен и во Унгарија.

Печивото има форма на конус или цилиндар и се пече на жар. Бидејќи е намачкано со путер и шеќер, со печењето станува крцкаво. Покрај шеќер, некогаш се додава и цимет.

Потоа можете да го наполните со што сакате но најпопуларен избор се сладолед и овошје.

Kvæfjordkake – Норвешка

Оваа торта со чудно име се прави слично како целувките што ги прават нашите баби.

Тортата има еден слој пандишпан, слој целувки и слој од крем од ванила, а на крај се додаваат и сечени бадеми.

Продолжува на следната страница...