Во Македонија сакаме мекици - Кои специјалитети од пржено тесто треба да ги пробате низ светот?
Мекиците се едно од омилените јадења во Македонија, додека во Шпанија и Португалија доста популарен е специјалитетот познат како churros. Каква храна од пржено тесто се јаде ширум светот?
фото: Инстаграм
Прженото тесто ги надминува културните граници и има длабока историја. Постојат докази дека пржењето различни форми тесто почнало откако пронајдокот на керамиката дозволил маслото да се загрева на поголеми температури.
Крцкави од надворешноста, меки и бели во внатрешноста... Мекица e македонско јадење од тесто кое се пржи во врело масло. Низ светот нема да најдете мекици, но прженото тесто е омилена храна на многу култури.
Затоа, немојте да се изненадите ако најдете многу интересни варијанти на вашето следно патување. Секако, не одете си без да ги пробате и да го земете рецептот за да пробате да ги направите и дома.
Каква храна од пржено тесто се јаде ширум светот?
Bánh Tiêu (Виетнам)
Bánh Tiêu е виетнамска пржена крофна со сусам која е крцкава однадвор.
Често се служи со солени филови како што се мелено свинско месо или ракчиња.
Beignets (Франција)
Beignets е француско печиво направено од пржено тесто и посипано со шеќер во прав.
Овие задоволства често се служат со кафе со млеко и се омилена храна за појадок или ужина во Франција.
Churros (Шпанија)
Churros е крцкаво пржено тесто кое се верува дека потекнува од Шпанија или Португалија.
Обично се служи со богат чоколаден сос за макање и е популарна улична храна низ Шпанија, Португалија и Латинска Америка.
Zeppole (Италија)
Zeppole е вид италијанска крофна направена со пржено тесто и посипана со шеќер во прав.
Често се полни со крем или џем и е популарен десерт за време на празнични сезони.
Lukumades (Грција)
Ова е традиционален грчки десерт направен од пржени топчиња од тесто прелиени со сируп од мед.
Тие често се служат со ореви и цимет и се популарно задоволство за време на празници и фестивали, а доста често се продаваат и по плажи.
Youtiao (Кина)
Youtiao е солено пржено тесто кое често се јаде за појадок во Кина.
Обично се служи со млеко од соја или каша и е популарна улична храна во многу делови на Кина.
Funnel Cake (САД)
Ова е популарна северноамериканска храна која се прави со истурање тесто низ инка во врело масло.
Добиеното пржено тесто потоа се посипува со шеќер во прав и се служи како слатко и крцкаво задоволство.
https://www.instagram.com/p/CaWg4-JsP4D/
M. Г. | Црнобело
Би можело да ве интересира:
Препорачуваме
Најчитани неделава
