Катерина живее на Малта: „Ја напуштивме Македонија со две мали деца, воопшто не беше лесно“

Висок ли е стандардот на живот? Некоја цена од таму кафе /пиво…

Стандардот на живот е доста висок за дојденците, поради високите цени на кириите.

Цените во маркетите, кафеаните и кафулињата се доста поскапи отколку во Македонија, но се достапни за малтешките плати.

Едно кафе е 2.5 до 3 евра, пивото е околу 5 евра топка сладолед, 2 евра едно сокче итн.

Би ја препорачала ли оваа земја како туристичка дестинација? Среќаваш ли постојано македонски туристи?

Малта е доста доброорганизирана туристичка земја. Ја препорачувам на сите љубители на топлата клима, морето и на старите градби.

Македонски туристи има многу, а најчести се оние кои нивните фамилии живеат на Малта и одат на посета, но има и такви кои што се дојдени само на одмор. Но, да бидеме искрени за македонскиот стандард е доста скапа дестинација.

Какви се локалците кога станува збор за љубовните врски? Какви ставови имаат кон бракот?

Како што можам да приметам Малтежаните и љубовта не се баш во добра комуникација.

Тие не даваат големо значење на љубовта, семејството и бракот. Повеќето од нив живеат во вонбрачни заедници, но секако има и исклучоци.

Какви се локалците кога станува збор за дојденци, ги прифаќаат ли?

Кога дојдовме првпат во 2015 година на Малта 90% од популацијата беше Малтежани и на нас странците гледаа малку со страв, поради тоа што тие се многу мирен народ и пред доселбата на дојденци стапката на криминал во Малта била 0.01%.

Но, со тек на времето како се доселија сè повеќе и повеќе странци веќе нема никаква поделба. Луѓето ги делат само по карактер, а не по нација.

Би се вратила ли да живееш во Македонија некогаш?

Сега за сега немаме планови за да се вратиме. Децата се навикнаа на околината имаат свои пријатели и хоби.

Но, никогаш не би рекла дека никогаш нема да се вратам, сепак тоа е наша родна земја. Таму ни се родителите и фамилијата.

Повеќе фотографии од Катерина од Малта:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело