Моделот Павле Николовски го посети Исланд: „Ручек во ресторан не е под 150 евра, најевтин бургер е 25 евра“

Доживеа ли шок во однос на цените споредени со Македонија?

Шок не доживеав затоа што бев подготвен и известен за тоа однапред.

Но, бев изненаден од тоа колку се луѓето среќни, смирени и задоволни што се таму.

Според тебе, дали е препорачливо да се оди во хотел или да се сместиш во стан преку понудите на сајтовите за изнајмување?

Па, сè зависи кој во што ужива. Јас ја имав најдобрата опција - да бидеш кај свои луѓе кои го знаат островот, живеат таму и можат да ве прошетаат и упатат што треба да се види и посети.

Видовме работи што не се нудат со агенциите и места кои туристите ретко ги посетуваат, а луѓето кои живеат таму ги знаат.

Дали изнајми автомобил, или со друг тип на превозно средство шеташе по островот? Како се движат цените во градскиот превоз или за изнајмување автомобил?

Од пријателите имавме автомобил на располагање за сите денови и тоа беше голема предност, зашто рентање автомобил од ден е од 250 евра нагоре, зависно од типот на автомобилот.

Каков впечаток ти остави локалното население?

Сите се многу фини, љубезни, тивки, на смирен начин се кажува и објаснува сè, нема повишување на тонот, викање или какво било недолично однесување.

Едноставно, културни се во секој поглед.

Каква е локалната храна? Што ти се бендиса најмногу, а што проба сега и никогаш повеќе?

Таму пробав многу различни вкусови на храна. Нивен специјалитет, или кога ќе те поканат на вечера, како свечено јадење ти вадат јагнешко месо (но тоа не го пробав).

Во локалната храна, исто така, има и многу риба и морски плодови, што е логично за остров.

Посетивме и места кои се дел од нивниот селски туризам, бевме на фарма каде веднаш имаш свежо месо, односно бургери, и свежи млечни сладоледи.

Многу интересни беа и рестораните направени во плантажи за домати и плантажи за печурки, па веднаш ти прават разни специјалитети од нив.

Дали пливаше во замрзната вода и ако да, какво беше чувството?

Во замрзната вода не пливав, но пливав во топла и жешка минерална вода, а надвор беа ниски температури.

Ледената вода и тие мразови од глечерот се само за гледање и добри фотки како од филм.

Што нуди Исланд, а не можеш да го најдеш на друго место во светот?

Па мислам дека Исланд нуди сè што може да се види на повеќе дестинации, но овде е сè тоа вклопено на едно место.

Она што е интересно е дека често во еден ден може да се доживеат сите 4 годишни времиња.

Продолжува на следната страница...