Моделот Павле Николовски го посети Исланд: „Ручек во ресторан не е под 150 евра, најевтин бургер е 25 евра“

Раскажи ми некоја интересна случка од патувањето, нешто што им го раскажа на сите пријатели што те прашаа за Исланд?

Секој ден си носеше своја приказна, но еден ден бевме на место што ни го препорачаа бидејќи има добра храна и бургери. Станува збор за фарма која е претворена во фамилијарен ресторан од тамошните локалци.

Меѓутоа не очекував дека концептот на ресторанот е таков што во еден дел се гостите, а на само неколку чекори од нив се наоѓаат животните.

Тогаш првпат почувствував нешто што не сум почувствувал порано. Таа тага во очите на животните која ја видов, нивниот поглед ме блокираше и немав срце да нарачам бургер со месо, па на такво место нарачав вегетаријански бургер, што не е вообичаено за мене.

Но, ете во моментот таа тага ме обзема, бидејќи знаев дека тие животни наскоро ќе бидат претворени во бифтек.

Колку часа трае дневната светлина на Исланд? Кога се стемнуваше, а кога се разденуваше?

Сега е период кога се зголемува денот, па се стемнуваше на полноќ. Но, за еден месец од сега тука ќе биде постојано ден.

Иако е така во летниот период, преку зима е сепак, повеќе ноќ.

Што вообичаено прават луѓето на Исланд кога не се на работа?

Уживаат во денот, шетаат, секој со своите обврски нормално, а потоа спуштаат ролетни и спијат како да е темна ноќ.

Дали би се вратил пак?

Би се вратил секако, да, кога би сакал мир, природа и рефреширање на телото и мислите, но сега е време за лето и топли дестинации и забави.

Повеќе фотографии во продолжение:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело