Христијан Стојаноски го посети најбајковитото холандско селце: „Најубаво се доживува со бротче кое го управував сам“

Иако сум посетил многу држави во Европа и Азија, мислам дека ова беше едно од најавантуристичките искуства што сум ги доживеал досега.

Како пловевме низ каналите, така почнуваа воздишките предизвикани од возбуда и убавини - куќи на вода, мостови поврзани од еден до друг крај, црквички, зеленило...

Градбата на куќите и самата декорација околу нив изгледаше многу автентично и сосема поразлично од останатите држави што сум ги посетил.

Ми беше чудно што во голем број од тие куќи немаше луѓе или, можеби, локалците се криеја од туристите.

Ние почнавме со пловидба од едно каналче, ги поминавме сите канали и откако ги видовме сите градби наоколу, се упативме на отворено, па запревме среде езеро.

Кога видов дека ни преостанува помалку од 1 час до тргнувањето на автобусот, веднаш го „запалив“ чамецот и тргнав кон пристаништето, но за несреќа, се движевме пребавно, а ветерот кој дуваше контра нас беше пресилен.

Кога веќе стигнавме на пристаништето, немав време да го вратам чамецот од местото од кај што го изнајмив, па го врзав на најблиското копно и мидслам дека трчав за да најдам некој од персоналот за да им кажам дека нешто не е во ред со моторот.

Ме фаќаше и по малку паника, знаејќи дека автобусот нема да чека ниту една минута за да тргне. Кога со еден од вработените стигнавме до бротчето, тој го провери и ми кажа дека батеријата веќе била празна (бидејќи бродчињата беа на струја).

За момент си помислив дека можевме да останеме среде езеро, а дека јас немав број, ниту некаков контакт од луѓето кои ни го изнајмија чамецот.

Но решив да не си го уништувам денот со такви мисли, бидејќи сè се заврши добро, а ние на време стигнавме кај автобусот.

Уште поубаво ми беше тоа што, поради проблемите со чамчето имав можност да го прошетам и копниот дел на Хитхорн, па целата ситуација беше win-win.

Во Холандија поминав 5 дена и можам да кажам дека тоа сега ми е омилената земја што сум ја посетил - луѓето се гостопримливи, сите зборуваат англиски  владее целосна тишина, нема звук на автомобили, а во атмосферата се чувствува тотална слобода“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело