На одмор со Антониа Гиговска во ресорт: „Бевме на Халкидики, имаше многу забава за деца, Киан си најде девојка“

Детали

петок, 11 јули 2025

„Според мене нема негативни страни на летување во ресорт, освен ако некој не сака да си го помине одморот со готвење. Нам дневната рутина ни беше иста секој ден - само што ќе станевме одевме да појадуваме, па на плажа, а ако таму немаше место, одевме на базен“ - ни раскажа Антониа за одморот во ресорт.

Антониа Гиговска и нејзиниот сопруг Роберт Спасенцовски - Џокер, неодамна беа на летување на првиот крак на Халкидики.

Тие поминаа една недела во ресорт со синот Киан, во кој, се чини, уживаа тројцата, но малиот Киан најмногу од сите.

Освен што бил со мама и тато, Киан си нашол и три другарчиња меѓу гостите, но и девојка, откри Антониа за CRNOBELO.com.

Пејачката, по враќањето, ни раскажа за семејното летување во ресорт:

„Бевме во Грција, на првиот крак, зашто сакавме да сме поблиску до дома, за да може да спие Киан во кола.

На летувањето бевме сами, без бабите, зашто се на работа, но нè чека уште еден одмор со баба и дедо.

Според мене нема негативни страни на летување во ресорт, освен ако некој не си сака да си го помине одморот со готвење.

Јас не сум за тоа, сакам кога сум на одмор да уживам.

За Киан и за децата на негова возраст имаше многу забава цело време - има kids club, има аниматорки кои се со децата по потреба, но ние си бевме со него цело време.

Го остававме со аниматорките само малку навечер, кога имаше мини диско и кога заедно со другите дечиња пееја, играа, им правеа забави со маски.

За возрасните немаше многу забава - се организираше ватерполо на базен, јога, понг-понг, пикадо - таков тип на забава.

Продолжува на следната страница...