Ленин Јовановски: „Ја видов и бедата во блескавиот Париз, велеград со навистина лоша страна“

Со оглед на тоа дека го сакам Париз, а за среќа имам и пријатели кои живеат таму, по завршување на деновите од службениот престој останувам некој два-три дена повеќе кои ги користам за прошетки со пријателите и посети на париските знаменитости. И секако, моја традиција при посетата на кој било град е задолжително посетување на Hard Rock Cafe, каде пијам кафе или чај на отворена тераса на главниот плоштад и вкусувам типична храна и пијалак.

Од знаменитостите што ги имам посетено се: Базиликата на Светото Срце, Нотердам, (Богородичната црква), Лувр, мостот Цар Александар III, уметничкото катче Монмартр, Версај, Мулен руж, Ајфеловата кула (се подразбира:) Триумфалната капија и Елисејските полиња, вечните почивалишта на познатите каде покрај Оноре де Балзак, Едит Пјаф, Чарлс Дувал, Марија Калас, Исидора Данкан, Елвира Попеску … и многу други уметници, пејачи, актери, писатели, политичари, научници скоро од целиот свет, е и почивалиштето на легендарниот Џим Морисон, причината заради кој се навлеков на Рок музиката, а над чиј гроб е расфрлена пепелта на американскиот панк-рок гитарист Стив Баторс.

Впечатоците од патувањата во Париз ги споделував и со мојата сестра, која пред да го посетам Париз, живееше еден период таму (сега е во Австралија) и ми велеше дека скоро ништо не сум видел и почувствувал од она што во Париз може да се види и доживее.

Не знам, веројатно е во право, веројатно Париз е едно неисцрпно доживување кое отвора видици до недоглед, многу повеќе од она што е општопознато, како што е на пример Ајфеловата кула.

Веројатно за вистинското доживување на Париз потребни се многу повеќе од неколкудневен службен или туристички престој и секако, да си со карактер и ум кои на некој начин можат да припаѓаат или природно да се вклопат во еден, не случајно токму таков продуховен град.

Повеќе фотографии од Ленин, направени во Париз:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело