Никица Ацева за престојот во Египет: „Пливав во најтиркизното море, Египќаните се напорни со нудењето услуги“

Јаваше ли камили, ти беше ли страв? Како изгледаат турите?

Во склоп на сафари турата имаше јавање камили, но тоа беше само кратка прошетка од 2 минути и сè помина во најдобар ред, на подолго не би се нафатила.

Инаку факултативите се преубави и водичите максимално се трудат да ти угодат за што и да се работи. На пример каде и да одевме немавме многу време за сликање, но бидејќи јас не можев да си дозволам од било каде да се вратам без слика, секогаш наоѓаа начин да ми дадат 10 минути плус, секако за некое евро плус.

Во секој случај се многу услужливи и доста исцрпно ги покажуваат сите знаменитости за кои си дошол и кои сакаш да ги видиш. Од ниедна тура нема да се вратите разочарани.

Какво искуство беше возењето баги во пустина?

Спој на адреналин, возбуда, уживање и малку историја. Еден убав, исполнет ден во кој собираш многу нови искуства.

Конкретно возењето е интересниот и адреналинскиот дел, а потоа следеше еден убав одмор со традиционален чај и приказни за тоа како живеат Египќаните.

Посети ли некои од историските знаменитости?

За жал не. Поради несакани околности бевме принудени два пати да ја откажеме турата за најголемата атракција Каиро, но ни остана како причина да се вратиме пак и да ја заокружиме приказната со убав крај.

Од која земја имаше најмногу туристи во ресортите?

Во нашиот ресорт беа најмногу нивни домашни туристи, но општо видовме доста луѓе од Србија и Франција.

Какви се цените?

Немавме многу допирна точка со цени, бидејќи пак ќе кажам кога си затворен во еден ресорт не можеш многу да видиш и искусиш.

Целокупниот впечаток ми е дека цените беа пристојни, ништо прескапо, ништо преевтино.

Продолжува на следната страна...