Мими Анастасова: „Глетките на Санторини се неверојатни, но задолжително понесете си патики за стрмните улички“

Од престојот на Санторни никогаш нема да заборавиш …

Многу работи, но би го издвоила погледот во Иа кон ветерниците.

Зошто зајдисонцето на Санторини има посебна магија?

Самата атмосфера и опкружување го прават зајдисонцето на Санторини магично. Зајдисонцето најубаво се гледа од гратчето Иа (Oia). Точно во 20 часот се случува залезот, а локалите со поглед се веќе преполни и букирани уште во 18 часот.

Јас го доживеав на посебен начин. На крајот на гратчето има мала тврдина и скали кои одат сè до долу до морето, тука се собираат обично млади парови за да го гледаат зајдисонцето.

Имаше двајца музичари кои свиреа на саксофон и гитара, луѓето си фаќаа место да си седнат на скалите, си носеа шише вино и чаши и уживаа во залезот на сонцето. Беше многу тивко, се слушаше само музиката и лесен и тивок муабет во позадина. Навистина уникатно доживување.

Би одела ли повторно? Сметаш ли дека е туристичка дестинација која може да ги задоволи сите потреби?

За посета на Санторини би рекла дека се доволни 4-5 дена, препорачувам да се оди за да се прошета и да се види еднаш во животот. Интересно е еднаш да се избањате на црната плажа, да ги прошетате градчињата Фира, Иа, Имеровигли, Фиростефани, Акротири, Мегалохори, и преку ден и навечер.

Да се напиете чаша убаво вино во некој од луксузните локали на калдерата со поглед кон вулканот, да се возите со жичарницата или со магаренце да се искачите до центарот на градот … Има за секого по нешто и вреди да се посети.

Јас не сум човек којшто два пати сака да оди на исто место, но верувам дека Санторини дефинитивно е дестинација која секој вљубеник во патувањата треба да ја стави на својата листа.

Повеќе фотки од Мими на Санторини:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело