Бојан Најдов за животот во Јужна Африка: „Лесно е да видиш жирафи, зебри, бафала, но има многу криминал и напади“

Што ти се допаѓа во Македонија?

Со добра плата во Македонија може да си дозволиш квалитетен живот, а и ми се допаѓа што е безбедно и мирно за живеење. Сакам да патувам низ Македонија бидејќи има прекрасни места, посебно Охрид и Маврово. Исто така, лесно е за патување во други земји, посебно низ Европа.

Живееш на релација Скопје-Дурбан, но кое место би го одбрал за постојан дом?

Засега добро ми е вака. Не ги сакам зимите во Скопје и ниските температури, а па затоа од ноември до април сум во Јужна Африка. Но, ако би морал да одберам тоа ќе биде Македонија.

Македонски или јужноафрикански девојки?

Тешко прашање, ако морам да бирам, Македонките.

А зошто?

Бидејќи посветуваат повеќе внимание на себеси, а и на семејството. Поубави се и поатрактивни.

Кога би имал моќ, што би сменил во Македонија?

Би го сменил менталитетот на многу луѓе, кои се затворени и конзервативни, песимисти се и се фокусираат на статус, наместо на успех.

Според твоето досегашно интернационално работно искуство, дали Македонија има потенцијал за развој?

Да, затоа и почнав свој бизнис тука. Во Македонија има многу амбициозни и професионално ориентирани поединци.

На крај, што научи од Македонија, а што од Јужна Африка?

Од Македонија научив да бидам амбициозен и вреден да учам и да вложувам во себе и да бидам упорен, а во Јужна Африка се роди мојата почит кон природата и желба да поминувам повеќе време на отворено, долги прошетки и планинарење. Значи, амбициозноста ми е македонска, а смиреноста јужноафриканска.

©CRNOBELO.com Забрането преземање и копирање. Крадењето на авторски текстови  и фотографии е казниво со закон.

И. Ј.| Црнобело / фото: приватна архива