Даниела патува со камион со сопругот Дарко Влогс: „Бевме во Ново Мексико на Фестивал за балони - незаборавно искуство“

Детали

недела, 10 октомври 2021

„Како што веќе сите знаеме, Дарко е камионџија веќе долг период, па дојде и денот и јас да му се приклучам во неговите авантури. Прва авантура ни беше Фестивалот на балони Ново Мексико. Имаше можност и да леташ со балон меѓутоа сè беше резервирано од пред една година“, раскажува Даниела Станковска од Битола за уникатниот Фестивал на балони во Ново Мексико.

Даниела Станковска од Битола неодамна стапи во брак со познатиот камионџија и инфлуенсер Дарко Влогс со интимна церемонија на Хаваи, а сега веќе парот има нова авантура.

Даниела патува со камион со Дарко Влогс низ САД, му прави друштво во текот на работното време, но попатно организира и посета на забавни дестинации и настани, а првата од низата што следува им беше Фестивалот на балони во Ново Мексико.

За CRNOBELO.com таа раскажува за нивната авантура:

„Како што веќе сите знаеме, Дарко е камионџија веќе долг период па дојде и денот и јас да му се приклучам во неговите авантури. 

Досега, освен автопат, зеленило и градовите што ги гледал низ прозорец додека вози, нема многу видено и прошетано низ Америка поради тие камионџиски обврски, па затоа сега кога сум со него, решив да ги направам нашите долги патишта далеку поинтересни и позабавни.

Во секоја држава во која патуваме барам некои атракции кои можат да се посетат (без разлика дали сме во можност или не).

Па, така, кога влеговме во Ново Мексико (држава која на сите им е позната по пустините и филмовите со мафија), сосема случајно отворив и видов дека има фестивал за балони кој се одржува секоја година во октомври и е најголемиот настан за балони во светот, а за среќа наша се движевме токму низ тој град - Алберкурки каде и се случуваше сето ова.

Оваа година, овој настан славеше 50 години од своето постоење. 

Секоја година има над 100.000 посетители. 

Продолжува на следната страна...