Ана е во брак со фудбалерот Чума Анене: „Се запознавме во Скопје, а сега водиме ‘живот во куфери’ – Норвешка ми е омилена“

Во колку земји сте живееле и која ти била омилена (и зошто)?

Досега сме живееле заедно во 5 земји. Во Русија 2 години, Казахстан 2 години, во Данска 1 година, и во Норвешка 2 години и моментално сме на Кипар веќе еден месец.

Најубаво ми беше во Норвешка, иако постојано беше студено, има толку многу што да се прави посебно кога бев сама со Оланна.

Секојдневието ни е преубаво исполнето кога сме таму, имаат преубави библиотеки, преубава природа, игралишта, сè е преубаво смислено, изградено и сочувано.

Луѓето се многу пријатни, позитивни и насмеани. Исто така предност е што таму е фамилијата на Чума, па и на Оланна и е поинтересно кога сме со повеќе луѓе.

Каков е животот во Русија?

Животот во Русија е тежок ако не знаеш руски јазик. Малку ме нервираше тоа што тешко се разбиравме со Русите и што морав да одам на фудбалски натпревари на минус 17.

Што ти пречеше најмногу во Казахстан, а што ти се допадна најмногу?

Казахстан посебно градот Алмати каде што живеевме ме воодушеви. Преубава природа, планини, многу висококатници, доста модерен и убав град.

Градот е буден 24/7, луѓе има во секое време во сите ресторани и кафулиња, сите се средени и дотерани.

Единствено нешто што и таму ме иритираше е тоа што не зборуваа англиски, па и со нив тешко се разбиравме.

Долови ни го секојдневието во Норвешка, што те воодушеви најмногу?

Нешто што е многу важно за Норвежаните е да бидат со нивните најблиски и да посветат 100% внимание на своите деца, дали е тоа дома во пријатна атмосфера или во библиотека или во ресторан на ручек.

Реткост е да видиш семејство како седи на телефон додека се заедно, го користат секој момент за разговор и реконекција со најблиските.

Продолжува на следната страна...