Ана е во брак со фудбалерот Чума Анене: „Се запознавме во Скопје, а сега водиме ‘живот во куфери’ – Норвешка ми е омилена“

Од Данците која животна лекција треба да ја научиме? Што ти остави најсилен впечаток таму?

За Данците добив впечаток дека се повеќе резервирани, и не сакаат многу да се мешаат со нови луѓе. Си го имаат нивниот круг на најблиски и тоа е тоа. Што искрено сметам дека е добра особина бидејќи го прават само тоа што ги прави среќни, а тоа е да бидат во нивниот дом, во хиге атмосфера со запалени свеќи, и убава храна, со најблиските роднини или пријатели.

Работат продуктивно, но со скратено работно време. И се водат под слоганот „Повеќе работа значи повеќе стрес, а тоа значи повеќе здравствени проблеми“, се грижат многу за нивното здравје, возат велосипед, и приоритет им се децата и семејствата.

Преубав живот имаат и многу сум среќна што првата година на Оланна ја поминавме таму.

Сега сте на Кипар, каков ти е впечатокот? Каков е овој остров надвор од туристичка сезона?

Сега сме на Кипар, и конечно заслужено после 3 години живот во Скандинавија малку и ние да видиме сонце.

Сега за сега многу ми се допаѓа тука, живот покрај море ми е сон, времето е преубаво, секој ден е 17-20 степени. Оланна ужива по цел ден надвор, многу сака да игра со песок на плажа, имаат многу детски игралишта, и активности за неа така што тоа ми е најважно да ѝ биде неа исполнет денот.

Сè уште го истражуваме градот Ларнака каде што живееме, има многу што да се види. Убаво е што во овој дел од годината нема многу туристи, па смирено можеме да шетаме и уживаме.

Продолжува на следната страна...