Мила Груевска за престојот во Занзибар: „Ме пречека импровизиран аеродром и културен шок, но водата и плажите беа нереални“

Какво темпо на живот водат локалците? Имаат ли локалците интересни навики во секојдневието?

Локалците се една од причините зошто е овој остров толку посебен.

Секогаш срдечни и насмеани, го поминуваат секој ден со една филозофија „Hakuna Matata“ добропознат израз кој ќе го слушнете на секој чекор и значи опуштен живот без правила и грижи.

Неверојатно релаксирани и опуштени ве потсетуваат да го успорите ритамот и да уживате во животот со извикување на „Pole pole“ (полека, полека).

Какви се цените? Некоја цена оттаму кафе / пиво...

Цените се разумни, малку повисоки од нашите. Кафето е околу 1.5-2 евра, пиво 2.5-3 евра, Коктелите на плажа се движат од 8-10 евра.

Оброк во ресторан за една особа чини од 10-15 евра.

Кое е најубавото место таму?

Иако е најкомерцијално, сепак „Kendwa“ (Кендва) местото каде бевме сместени мене ми остави најголем впечаток. Идеална огромна плажа каде немаат влијание плимата и осеката, исполнета со ресторанчиња и најубавото зајдисонце кое некогаш ќе го видите.

Морам да го споменам и барот „Kae Funk“, каде бевме на целодневна посета, преубав бар со добра музика и атмосфера сместен на една од најубавите плажи каде на зајдисонце почнува многу интересно африканско шоу, кое завршува со палење оган.

Какви се плажите?

Долги, бели, песочни плажи кои ви го одземаат здивот.

Она што е многу интересно се плимата и осеката. Во еден момент можете да шетате по дното на океанот,а за неколку часа тоа исто дно е покриено со вода на висина од 2-3 метра.

Доколку на некој му пречи ова, подобро е да се одлучи за сместување во северниот дел на островот, Kendwa или Nungwi, каде е мала разликата меѓу плимата и осеката.

Водата не беше топла, но беше пријатна за бањање, бранови нема и океанот е многу мирен, алги не видовме, но има мнооогу морски ѕвезди.

Каков е животинскиот свет? Имаше ли медузи?

Животинскиот свет е неверојатен и разновиден, тропски риби, корали, преубави морски ѕвезди и секако делфини. Има посебни тури со бротчиња кои те носат на одредени локации со цел да се видат делфини

Медузи има, нормално со оглед на останатиот морски свет, но не претставуваат проблем бидејќи ги нема во голем број.

Продолжува на следната страна...