Никола Атанасов: „Јас сум фриленсер, со другари се преселив на Бали, работам од плажа на зајдисонце“

Лошите страни на животот таму се...

Хигиената не е на завидно ниво, особено на потегот од Убуд до Кута, каде што се стационирани најголемиот број на туристи, па затоа бираме области каде што е помирно и нема толку гужва.

Сообраќајот е доста хаотичен, но со оглед на тоа што како превозно средство користиме мотоцикл, гужвата не е толку голем проблем.

Запозна ли други Македонци?

Сѐ уште не сме сретнале, воопшто ниту еден Балканец. Освен во првото сместување во Керобокан. Таму до нас имаше грчки ресторан и сопственикот кој долго живее тука е од Грција.

Зошто Бали е уникатен остров?

Бали е уникатен остров прво поради тоа што се наоѓа во најголемата муслиманска држава Индонезија, но најголемиот дел од локалното население практикува хинду религија.

Во многуте храмови има исцелители што помагаат на луѓе со најразлични проблеми, кои веруваат во натприродни сили.

Во јужниот дел на Бали, областа Улувату, како и островот Нуса Пенида се наоѓаат тиркизно-сините океански плажи, но често има огромни бранови од 4-5 метри кои се совршени за најдобрите сурфери во светски рамки.

Покрај прекрасните плажи и магични храмови, Бали има буквално секаков вид на природна убавина. Прекрасни планински области со бујно зеленило, живописни езера, прекрасни водопади, оризови полиња, цветни градини, многу реки и тајни кањони го сочинуваат пејзажот на островот.

Храната е одлична и доста разновидна. Освен локалната индонезиска кујна и познатиот Наси Горенг, најзастапени се кујните од околните азиски држави: Тајланд, Виетнам, Индија, Кина, Јапонија, но често се наоѓа и австралиско телешко/говедско, како и најпознатите европски кујни – италијанска, шпанска, француска и грчка.

Продолжува на следната страна...