Актерот Сашо Ристовски има рајско дворче во село Теово: „Го уредувам заедно со родителите, си одгледувам органска храна“

Детали

недела, 25 јуни 2023

„За да изгледа вака како денес, зад нас е децениска посветеност во уредувањето. Не оди одеднаш сè. Во секој дел од дворот има една историја за нас како фамилија, нешто кое остава траен белег - преку 30 видови цвеќиња, многу садници од дрвца, органска храна“ - вели за CRNOBELO.com актерот Сашо Ристовски.

Актерот Сашо Ристовски, кој е најпознат по улогите во Македонски народни приказни и со улогите во претставите во „Театар Комедија“, ужива да го уредува дворот во семејната куќа во селото Теово, општина Чашка.

Дворот изгледа прекрасно, со многу зеленило, широки тревници и многу детали и украси кои го дополнуваат пријатниот изглед. Во задниот дел од дворот има и базен.

За Сашо, ова е неговиот втор дом и секој слободен миг го минува таму, бидејќи работејќи во дворот, тој го наоѓа својот мир.  

Македонскиот актер ни раскажа за својата страст за која знаат малкумина - уредување на дворот и одгледување органска храна.

За CRNOBELO.com Сашо Ристовски споделува:

„Мојот втор дом се наоѓа во село Теово, Општина Чашка. Секој слободен миг го минувам таму, бидејќи само таму успевам целосно да го најдам својот мир.

Тоа е нашиот фамилијарен дом кој потекнува од баба ми, нејзиниот татко. Сега таму се моите родители и, секако, јас.

За да изгледа вака како денес, зад нас е децениска посветеност во уредувањето. Не оди одеднаш сè. Во секој дел од дворот има една историја за нас како фамилија, нешто кое остава траен белег.

Продолжува на следната страница...