Поранешен ученик за CRNOBELO.com: „Бев исмејуван на училиште поради мојата тежина, добивав погрдни комeнтари“

Што мислиш дека треба да се направи за да се спречи секаков вид на дискриминација во општеството, особено во училиштата?

Мислам дека нашето општество има уште многу да учи и да развива свест на оваа тема. Би препорачал, што повеќе обучена стручна служба во училиштата, повеќе разговор со децата, и дома и на училиште.

Нема ништо повеќе што му значи на детето од тоа да му пружите разбирање и сочувство во тешки ситуации, било тоа да е дискриминација, врсничко насилство или друг проблем.

Која е твојата порака за големиот број на деца кои се наоѓаат во ваква тешка ситуација? Што би ги советувал?

Мојата порака е едноставна – знам дека е тешко, знам дека многу пати ќе се запрашате зошто баш мене ми се случува ова, но тие работи се она што нè градат како личност и ни ја зајакнуваат самодовербата.

Секогаш останете свои и никогаш не подлегнувајте на никакви промени заради толпата. Бидејќи твојата посебност е она што го прави светот поубаво место за живеење.

Живееме во свет во кој ако не си дел од толпата тогаш си губитник.

Во свет во кој сите очекуваат да живееш според нивни правила. Тешко е да бидеш дел од сцената преполна со луѓе кои се обидуваат да ги излечат сопствените комплекси кажувајќи дека си само небитен декор кој му смета на глумците кога настапуваат на неа.

Да се наоѓаш во чевлите на детето кое е навредувано и злоупотребувано од неговите врсници значи да немаш детство. За жал, дискриминацијата и насилството е сè повеќе присутна во училишните ходници.

Постоењето на свесност за таквите проблеми и решавање на соодветен начин – едно од главните оружја со кои треба да располагаме. Затоа пред да осудиме или дискриминираме некого да се обидеме прво да го запознаеме.

Соодветното домашно воспитување и едукацијата од родителот сè уште едно оружје со кое ќе го изградиме мечот за победа. И за крај потребни се нашите раце, нашата сила, и волја со кој ќе се обидеме силно да замавнеме со мечот и да ја поразиме дискриминацијата еднаш засекогаш!

©CRNOBELO.com Забрането преземање и копирање. Крадењето на авторски текстови е казниво со закон.

А. Б. | Црнобело / фото: pexels.com