Анастазија (24) од Штип: „Бев хоспитализирана и тогаш започнав да креирам текстурирана уметност - така ми дојде идејата за свој бизнис“

Детали

среда, 23 август 2023

„Почнав да создавам текстурирана уметност по моја хоспитализација, како нешто за релаксирање и се претвори во нешто многу поголемо отколку што некогаш очекував. Денес, имам свој мал бизнис“, ја започнува приказната Анастазија Jолева (24) за CRNOBELO.com.

Анастазија Jолева (24) е млад уметник од Штип. Поради една немила епизода во животот таа завршила во болница, но токму таа хоспитализација направила да започне да се занимава со креирање на текстурирана уметност и да започне свој мал бизнис.

За CRNOBELO.com Анастазија ја пренесува својата приказна:

„Почнав да создавам текстурирана уметност по моја хоспитализација, како нешто за релаксирање и се претвори во нешто многу поголемо отколку што некогаш очекував.

Oткако добив огромна поддршка од семејството и пријателите, дојдов до идејaта да го започнам ова патување и оттогаш создавам уметнички дела кои може да ги погледнете на мојот Инстаграм профил.

Јас сум самоук уметник. Научив со експериментирање со боја, текстура и разни медиуми.

Мислам дека најважниот аспект на текстурираната уметност е вниманието на детали.

Уметниците треба да бидат способни да гледаат на објект од многу различни агли и перспективи за да се осигураат дека точно го доловуваат секој елемент.

Отсекогаш сум била добра во посветувањето големо внимание на детали, што ми ја олеснува работата.

Со уметност започнав пред 4 години, но тогаш мојата уметност изгледаше многу различно од оваа денес. Започнав со акрилни бои, но не се пронајдов во тоа.

Продолжив да се обидувам сѐ додека не ја сретнав структурната паста и концептот на текстурирана уметност.

Продолжува на следната страница...