Влатко Лозаноски за родниот град: „Во Кичево си доаѓам на 2 недели и прво јадам од домашниот ручек кој го зготвила мајка ми“

Но, постојат уште неколку факти кои се поврзани со градот, а кои ми се интересни:

Вовчето Кирче е првиот воз во Македонија и е изложен во градот како историски експонат.

Од Кичево извира и најголемата десна притока на Вардар, реката Треска.

Кичево е првиот ослободен град во Македонија во Втората светска војна, а 11-ти септември е денот на Кичево.

Пазарот во градот е во сабота и отсекогаш на овој ден било најраздвижено.

Со татко му, чичко му и сестра му

За најдобар поглед на Кичево, треба да се посетат рекреативните и излетнички места Крушино или Кнежино, од една страна, или Китино Кале, од другата страна на градот.

Легендата вели дека оваа тврдина е именувана по сестрата на Крали Марко, Кита.

Зад овој локалитет се наоѓа планината Илиница. Од врвот на оваа планина се гледа буквално целиот град.

На планината Илиница

Главната црква во градот се вика св. Петар и Павле, а на некои 10 километри од Кичево се наоѓа женскиот манастир Света Пречиста, кој што датира уште од 14 век.

Иако во градот Кичево немало никогаш ни нижо ни средно музичко образование, интересно е тоа што од градот потекнуваат многу музичари, а тука многу се почитува и се слуша македонската музика.

Ќе ги споменам моите пријатели Влатко и Златко Миладиноски, Спасен Силјаноски, Војо и Билјан Стојаноски, Калиопи и други“.

Лозано и дедо му

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело