Влатко Лозаноски за родниот град: „Во Кичево си доаѓам на 2 недели и прво јадам од домашниот ручек кој го зготвила мајка ми“

Детали

петок, 13 октомври 2023

„Св. Ѓорѓија ни е наша домашна слава и секогаш за 9-ти декември фамилијарно сме сите заедно. Веднаш потоа ја посетувам и кичевска Белица, од каде што потекнува моето семејство. Белица се наоѓа на 15 километри од Кичево и таму многу често го поминувам денот или останувам по неколку дена“, вели Лозано во серијалот „За мојот роден град“ за CRNOBELO.com. 

Еден од најпопуларните македонски пејачи, Влатко Лозаноски (38), е роден во Кичево. Од градот си заминал кога имал само 14 години, но и покрај тоа се труди барем еднаш во две недели да се врати во родното огниште и да го посети семејството.

А тогаш, прво ужива во домашниот ручек што го зготвила мајка му и во зеленчукот набран во нивната градина.

Секојпат кога ќе се спомне неговиот роден град, Лозано почнува да зборува со многу емоција – за пријателите од детството, легендите врзани за градот, за околните места, каде што сака да оди и денес и да се опушти бидејќи, дома си е дома.

фото: Стефан Самандов

Тој за CRNOBELO.com раскажа кои се најубавите спомени кои го врзуваат за градот и кои и сега му будат убава носталгија:

„Кичево е мало гратче, но за мене исполнето со многу спомени. Се трудам секогаш кога можам да сум во мојот роден град.

Многу ретко се случило тоа да биде подолго од две недели, иако од мои 14 години се дружам со куферите.

Една од неколкуте работи кои ги правам кога ќе дојдам дома е да уживам во домашниот ручек на мајка ми и зеленчукот од нашата градина.

На домашна слава со сестра му Марија

Св. Ѓорѓија ни е наша домашна слава и секогаш за 9-ти декември фамилијарно сме сите заедно.

Веднаш потоа ја посетувам и кичевска Белица, од каде што и потекнува мојата фамилија.

Белица се наоѓа на 15 километри од Кичево и многу често таму го поминувам денот или останувам неколку дена.

Во с. Белица

Во Кичево неизбежен дел се и долгите дружби со моите другари од детство.

Тогаш заеднички споделуваме спомени или разговараме за различни актуелни теми.

Со соучениците во II одделение (1993/94)

Морам да кажам дека кичевчани се надалеку познати пекари, а покрај кичевскиот бурек, во последно време е актуелен и кичевскиот колбас.

https://www.instagram.com/p/CmerJKtL_CW/

Она што е интересно за Кичево е тоа што се наоѓа во котлина, на 650m надморска височина.

Старото име на градот, кое потекнува уште од античко време, е Ускана, а потоа се викал и Кицавис.

Фото: Википедија

Продолжува на следната страница...