Миро Кацаров за родниот град: „Старата чаршија во Штип ме научи на 'школо' кое нема цена“
- Детали
- сабота, 11 мај 2024
„Роден сум во Штип каде што растев во времето на бивша Југославија, па сите маалски детски игри како ластик, клин, плочка, жмурка ги играв на плоштадот Слобода во центарот на градот“, вели Миро Кацаров во серијалот „За мојот роден крај“ за CRNOBELO.com.
Познатиот водител Миро Кацаров е роден во Штип. Тој долги години живее и работи во Скопје, но со многу носталгија се сеќава на детството поминато таму.
Па како и повеќето деца на таа возраст, наместо да отиде дома кога му требало нешто, од под терасата викал по мајка му или по неговата нана за да му фрлат 10 денари.
Миро ни раскажа кои 5 работи најмногу го потсетуваат на неговиот роден град:
„Прва работа што најмногу ме асоцира на Штип е градскиот плоштад, местото каде што сум пораснат, местото каде што сум ги играл првите детски игри, кај што од под тераса викав по мајка ми и нана да ми фрлат десет денари.
Инаку, јас сум дете што растело во бивша Југославија, во времето на социјализмот и комунизмот, каде сите тие детски игри како ластик, клин, плочка, жмурка и тенис на нога беа маалски игри, а јас ги играв на плоштадот Слобода во Штип.
Втората работа која ме асоцира на Штип се моите емоции и сеќавања поврзани со О.У. „Ванчо Прке“, од каде што датираат почетоците на мојата писменост.
Бев темпераментен, бев палав, но бев и скроз одличен ученик.
Уште од мал сакав да бидам претседател на класот и таа амбиција си ја исполнив кога пораснав и станав помудар, а тоа се случи во 7-мо и 8-мо одделение.
За мене траен белег остави и старата чаршија во Штип, која ме научи на „школо“ кое нема цена.
Чаршиското школо знаеше многупати да ме извади во безброј ситуации, ме научи како да се однесувам и поставувам со луѓето, ме научи како да избегнувам искушенија и ме научи како да дојдам до она што го сакам.
Народно кажано, упорноста и убавиот збор - железни врати отвораат.
Продолжува на следната страница...
Би можело да ве интересира:
