Татјана Стојановска за стилот и убавината: „Редовно ставам ботокс на челото, тоа ми овозможува посвеж изглед“

Нега на лицето и телото

„Лицето и телото ги негувам со вообичаени и не многу скапи препарати. Со години користам исти креми за лице кои се просечни и ги има во секој маркет и ми одговараат на мојата кожа.

Не правам некои специјални третмани на лицето, само редовни рутини на темелно чистење и нанесување креми.

Имам посува кожа и имам потреба од помасни креми и лосиони за тело.

Редовно ставам ботокс во челото и глабелата и тоа е единствен третман што го правам на 6 месеци, а кој ми овозможува посвеж изглед“.

Начин на исхрана

„Што се однесува до храната, има периоди кога внимавам што јадам, но како човек кој е стрвен и сака да проба сè, има моменти кога си дозволувам да уживам во храната.

Готвам секојдневно и ми причинува задоволство подготовката на домашна храна.

Тоа се вообичаени традиционални јадења, но сакам да испробувам и некои рецепти кои ги гледам на социјалните мрежи. Практикувам да внесам свежа храна, салати и овошје во оброците“.

Спортски активности и фитнес

„Одржувањето на килажата оди тешко со годините. Но се обидувам да внесам и физичка активност.

Вежбам во фитнес клуб повремено, но и во тоа не сум многу редовна, па гледам да надополнам со пешачење.

Применувам повремено и третмани за слабеење и обликување на телото, па во комбинација со режим на исхрана и физичка активност да потпомогнам во постигнувањето на резултатите“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело