Татјана Стојановска за стилот и убавината: „Редовно ставам ботокс на челото, тоа ми овозможува посвеж изглед“

Детали

среда, 12 јуни 2024

„Готвам секојдневно, ми причинува задоволство подготовката на домашна храна. Одржувањето на килажата оди тешко со годините, па се обидувам да внесам и физичка активност“, вели ТВ-презентерката Татјана Стојановска Китановска и ни ги откри своите тајни за нега и убавина.

Татјана Стојановска Китановска, долги години е презентер на вести во Канал 5 телевизија. Многу генерации ја паметат и како Мис на Македонија од 1992-ра година.

Иако оттогаш се поминати 32 години, Тања важи за една од најубавите жени кај нас, секогаш дотерана, средена и негувана.

Во разговор за CRNOBELO.com, Татјана ни откри детали за својата дневна рутина за нега на лицето, па вели дека редовно користи ботокс, кој го става на челото и глабелата, а ѝ дава посвеж изглед.

Стил на облекување

„Низ годините го менувам и го прилагодувам стилот на удобноста. Приватно го негувам покежуал стилот со ниски чевли, балетанки и патики, лежерни комбинации на облека во склад со приликата.

Секако за на екран останува елегантната комбинација на палта со кошули и елегантни блузи.

Повеќе сакам да сум во спортски или спортско елегантен аутфит, но за настани и на екран сепак го претпочитам елегантниот стил. Купувам она што ми одговара и не робувам многу на брендови.

Но, имам неколку парчиња од брендот Guess кој го обожувам и ми прилега на карактерот. Тоа се пред сè маички и ташни од овој бренд, a кои ми се вклопуваат во стилот.

Главно облека и обувки купувам во Македонија, но кога одам на патувања гледам да купам нешто за спомен и тоа се парчиња облека или аксесоари што се пред сè едноставни и спомен од местото.

На пат не одам без патики, лежерна облека и чадор.

Не би облекла никогаш 'скинати' фармерки. Секоја чест за трендот, но тоа не е мој стил и не можам да го прифатам.

Омилени ми се неколку работи што ги имам од мајка ми кога била млада, меѓу кои се неколку кошули и ги носам со задоволство затоа што ми се драги, а и им ја продолжувам употребата“. 

Продолжува на следната страница...