Филип Николоски: „Живеам со церебрална парализа, но животот е преубав ако се знае како да се живее“

Детали

вторник, 19 ноември 2024

„Мојата дијагноза е церебрална парализа, но животот е преубав и покрај сè, ако се знае како треба да се живее. Уживам во животот, а најгорд сум на настапот на концертот на Меморија“, вели Филип Николоски (25) од Прилеп за CRNOBELO.com, момчето кое нè стопи со својата заразна позитивна енергија.

Филип Николоски (25) од Прилеп е вработен како административен работник во прилепската болница, но негово омилено хоби е музиката.

Oва момче години наназад настапува низ разни локали, има три свои песни, од кои една сега ја препеа групата Меморија и со која тој настапи заедно со нив на сцената на нивниот концерт, по повод 40 години постоење на бендот.

Со изведбата на „Само на добро нека е“ и насмевката која не ја тргна од лицето, Филип покажа како треба да се живее.

Поразговаравме со него за неговата љубов кон музиката, a за CRNOBELO.com тој открива:

Твојата љубов кон музиката е заразна.... Моментот кога се појави на сцената на концертот на „Меморија“ буквално ја наежи публиката... Не ја тргна насмевката од лицето, какво беше чувството?

Чувството во тој момент беше неописливо… Лавина од емоции, овации од публиката.

На сите им посакувам да доживеат таков успех во своите полиња.

Како и која дијагноза им беше соопштена на твоите родители по раѓањето? Каков е животот со оваа дијагноза, кои се предизвиците?

Мојата дијагноза е церебрална парализа.

Животот е преубав и покрај сè, ако се знае како треба да се живее.

Предизвици има еден куп, но никогаш не сум гледал на својата состојба како болест. Уживам во животот.

Како успеваш да балансираш помеѓу работата во администрација и ноќните музички настапи? Колку темпото те изморува понекогаш?

Ако го работите она што најмногу го сакате со љубов и со огромна желба и волја ништо не е напорно.

Кој ти е најголема поддршка во извршување на секојдневните обврски?

Моја најголема поддршка се моите родители и се движам со нивна помош, а за излегување си имам моторче со кое се движам низ град.

Продолжува на следната страница...