Зимница од Македонија, „криза“ за турско кафе: 8 навики на секој македонски иселеник, според Николче кој живее во Германија

Детали

среда, 27 ноември 2024

„Ништо не поминува без правото оро и македонското знаме. Се вози и по 200km до македонски ресторан за да се проба тавче-гравче и сармичка“, шеговито вели Николче Талевски за CRNOBELO.com, плус покажува како изгледа подрумот со зимница и ракија на македонски иселеник.

Николче Талевски од Демир Хисар, дипломиран економист, по своите студии се вработил во странска инвестициска компанија во неговиот роден град, каде што работел 7 години како менаџер на организационен процес на претпријатието.

Но, по останувањето без работа, одлучил да се пресели во Германија.

Во Германија живее веќе неколку години каде што основал и свое семејство, односно станал сопруг и татко. Неговата сопруга Јулија е Украинка.

Во Германија Николче работи во фабрика од автомобилската индустрија, како оператор на машина и вели дека направил чекор назад, за да отиде два напред.

Во интервју за CRNOBELO.com тој сподели како му изгледа животот таму, а сега шеговито за CRNOBELO.com открива кои се 8-те навики на секој македонски иселеник.

Ќе се согласите ли?

Навики на секој македонски иселеник:

Прав Mакедонец си зема зимница од Македонија кога е отиден на посета со автомобил или си порачува по некој превозник да му стигне.

Подрумот на Николче

Турското кафе е составен дел од секој иселенички дом, а се бара по рафтовите во турските продавници.

фото: depositphotos.com

Македонска забава или концерт не поминува без правото оро и македонското знаме напред.

фото: depositphotos.com 

Продолжува на следната страница...