Горан Најдоски, стјуард во Wizz Air: „Имам посетено повеќе од 30 земји, тимската работа за време на лет е најважна“

Детали

вторник, 31 декември 2024

„Да се работи и на празници може да биде тешко поради одделеноста од семејството, но се трудам да го надоместам тоа кога сум дома. Плус, убаво е да го споделите празничното расположение со патниците“, вели Горан Најдоски (32) од Скопје за CROBELO.com.

Горан Најдоски (32) од Скопје работи како стјуард во Wizz Air и досега има посетено повеќе од 30 земји и над 50 градови.

Повеќе од 4 години е дел од тимот на оваа авиокомпанија и вели дека си ја обожава работата.

За CRNOBELO.com споделува детали од неговата кариера:

Кои квалитети треба да ги поседуваат успешните стујарди/стјуардеси? Кои се твоите?

Мислам дека прилагодливоста, пријателскиот однос и смиреноста во стресни ситуации се клучни.

Јас лично, одлично се справувам во стресни ситуации и умеам да ги натерам луѓето да се чувствуваат удобно, што сметам дека е многу важно за оваа работа.

Како стујардите и стјуардесите соработуваат со другите членови на екипажот?

Комуникацијата е сè. Работиме како тим за сè да функционира беспрекорно – од координација со пилотите, до помагање еден на друг за време на услугата.

Секој има своја улога во синџирот на надреденост, но тимската работа е најважна.

Како изгледа програмата за обука за новите членови на кабински екипаж?

Програмата е доста интензивна, но детална.

Се учат безбедносни процедури во нормални и вонредни ситуации, ефикасна комуникација и прва помош, меѓу другото.

На крајот, се чувствувате подготвени за сè што може да се случи во текот на летот.

Со кои предизвици најчесто се соочуваш за време на работата?

Непредвидливиот распоред е предизвик, исто како и справувањето со проблематични патници или доцнењата во исклучителни ситуации, но ние сите сме спремни да се справиме со тоа.

Како авиокомпанијата осигурува дека екипажот е добро подготвен за справување со вонредни ситуации?

Обуката е фокусирана на безбедноста. Редовно одиме на симулатори, вежбаме различни сценарија и посетуваме многубројни тренинзи и тестирања во текот на секоја година, за да бидеме подготвени во секоја ситуација.

Како го балансираш приватниот живот и работата, со оглед на честите патувања?

Не е лесно, но успевам. Се трудам максимално да го искористам слободното време за одмор и дружење со семејството или пријателите.

Мора да бидете многу добро организирани за да балансирате во животот.

Продолжува на следната страница...