Александра од Скопје 5-ти пат беше на Вимблдон: „Билетите се 300£, со сопругот нè има во видеото што го објави кралското семејство“

Детали

понеделник, 14 јули 2025

„Кралското семејство седеше на трибината спроти нас, но ги видов и претходно, кога одеа кон ложата. Интересно е што јас и сопругот се најдовме во еден кадар во видеото од официјалната објава на принцот и принцезата од Велс, а кое беше споделено на социјалните мрежи“, вели за CRNOBELO.com Александра, која присуствуваше на машкото финале на Вимблдон.

Александра Георгиевска Рорт, која е родена во Скопје, преку 25 години живее во Лондон, со сопругот и дете ќерки.

Таа е голем вљубеник во тенисот - почнала да тренира како дете, а и денес игра рекреативно, во тенискиот клуб Chesham Bois.

Александра, заедно со сопругот, вчера (13.07) беше на машкото финале на Вимблдон, каде играа Јаник Синер и Карлос Алкараз.

Ова беше нејзина петта посета на машкото финале на овој Гренд слем, а за нејзиното искуство од 2025-та, Александра раскажа за CRNOBELO.com:

„Ова беше петта година по ред како присуствувам на машкото финале на Вимблдон.

Претходно го посетив и АТП турнирот во Квинс.

Новак ми беше фаворит, како и секогаш, па бев разочаранa што испадна во полуфиналето.

Сепак, многу сум задоволнa што повторно имав можност да го посетам машкото финале на Вимблдон.

Атмосферата беше навистина убава и пријателска, како и секогаш.

Организацијата на Вимблдон е секогаш врвна и никогаш немам лошо искуство тука.

Тоа е место каде се собираат луѓе од сите сфери на животот, а сите заедно поради љубовта кон тенисот.

Продолжува на следната страница...