Љубовната приказна на Виктор Апостоловски и Милена: „Се запознавме во маркет, ми била фан како дете и имала мој постер“

Детали

понеделник, 08 септември 2025

„Милена не очекуваше да ја запросам во Истанбул. Познавајќи ме мене и мојата лабава природа, никој не очекуваше. Сите мислеа дека сме таму за да си пресадам коса, ха, ха“, вели Виктор Апостоловски и за CRNOBELO.com, ја раскажа љубовната приказна со сопругата.

Музичарот Виктор Апостоловски и неговата сопруга Милена, која е медицинска сестра и мејкап артист, неодамна прославија две години брак.

Својата љубов кон сопругата, Виктор ја покажа и јавно, со песната „Омилена“, која ѝ ја посвети на Милена, а на која го одиграа својот свадбен танц пред сите гости.

Виктор, кој беше еден од фаворитите, но и омилени учесници во шоуто „Македонски идол“, денес е и пејач и текстописец, композитор и продуцент, режисер и снимател, но и уредник на забавна програма во локалната телевизија ВТВ.

„Јас сум вработен во секторот за расположување луѓе“, вели тој низ смеа.

Настрана музиката, Виктор не крие дека најголема поддршка веќе неколку години му е сопругата, па за CRNOBELO.com ja раскажа нивната љубовна приказна:

Како почна љубовта со твојата Милена? Како и каде се запознавте?

Верувале или не, првиот поглед се случи во еден наш домаќински маркет. Јас како домаќинче дете, бев да си пазарам што ми треба, а таа пазареше со мајка ѝ.

Јас, барајќи нешто, поминав сосема случајно покрај нив, па Милена сооосема случајно ме приметила.

Потоа, исто така сосема случајно, се погодивме на различна каса во исто време. Тука падна по некоја насмевка и веќе беше запечатена нашата судбина! Тоа беше летото 2019-та година.

Набргу потоа се запознавме, ама јас морав да одам на Иос, каде бев букиран неколку месеци.

Кога се вратив, имав планови да правам турнеја низ Европа и не сакав да се врзувам, пошто знаев дека ако влезам во приказнава, тоа ќе биде тоа.

Милена исто така не сакаше врска со пејач, бидејќи нели, пејач, ха, ха.

И така дојде 2020-та, фати короната, ги затворија границите недела дена пред да заминам на турнејата и си останав тука.

Почекавме уште некое време да видиме да не случајно ги отворат, ама кога видовме дека нема абер работата, си се опуштивме и ете сме сега, 2 години во брак и скоро 6 години како сме заедно.

Кој го направи првиот чекор? Раскажи ми подетално за вашите почетоци...

Па, сега зависи, ако го сметаме за прв чекор моето случајно поминување, насмевнување итн. тогаш првиот чекор е мој...

Ако го сметаме првото пишување, тогаш првиот чекор е нејзин.

Што значи, технички, јас паднав на нејзината убавина, а таа падна на мојата насмевка.

Потоа јас паднав и на нејзината душа, па таа на мојата и така, сè со ред.

А најјако од сè е што таa ми била фан когa била дете, дури имала и постер од мене, ама когa првпат се видовме не ме позна - пошто тогаш бев млад, слабичок, избричан, со бујни коси, без тетоважи, а сега сум млад, со брада, без коси и со тетоважи.

Што значи, технички, си ја манифестираше љубовта од детството!

А ти? Дали веднаш знаеше дека Милена е вистинската за тебе или со текот на времето сфати дека сте создадени еден за друг?

Знаев уште од првото гушкање. Мислам уште не ја познавав како личност, како табиет и слично, ама знаев дека ако почнеме да се дружиме - тоа ќе биде тоа.

Не знам зошто, ама отсекогаш сум имал некој инстинкт, некое чувство за луѓето што ги среќавам.

И уште по првото поздравување, гушкање и првите неколку муабети, ми беше јасно дека се работи за одлично воспитана, позитивна и искрена личност и сум бил скроз во право.

Продолжува на следната страница...