Боро Мирчески: „Син ми до 3 и пол години не кажа ниту еден збор, по многу работа, на првото ‘мама’ - плачевме“

Што би им кажале на родителите што моментално минуваат низ истото?

На родителите кои се соочуваат со слична фаза од животот би им порачале дека никогаш не е рано за навремена детекција и рана интервенција.

Колку порано почнете да работите на развојот на вашето дете, толку подобро.

Никогаш не губете надеж и задолжително побарајте неколку мислења.

Не се срамете од ситуациите кои ви станале секојдневие, туку гордо, со исправена глава, јавно говорете и за убавините, но и за стресот и болката во гради што ја чувствувате.

Секогаш ќе има едни кои ќе ве осудуваат и ќе ви се смеат, но ќе има и такви на кои ќе има бидете херои во нивните очи кои пливаат низ „бурата“ на најдобар можен начин за да се спасат да не се „удават“.

На што сте најгорди денес и би променил ли нешто ако можеш да се вратиш наназад?

На прашањето „На што сме најгорди денес?“, можам слободно да кажам, на нашите херои, Марко и Петар!

Марко

Марко, затоа што се надминува себеси, а Петар затоа што е главниот поддржувач на нивниот хероизам како браќа.

Петар

А кога би можел да го вратам времето назад... Никогаш не би се преселил од Македонија во таа фаза од развојот на детето.

Длабоко верувам дека да бевме дома, многу работи ќе беа поинакви.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело