Астро ќоше со Теа Трајковска: „Проверувам љубовна компатибилност дури и со потенцијални дечковци“

Дали некогаш си донела одлука според хороскоп и каква?

Не сум донела конкретна одлука според хороскоп, но често ги следам транзитите што ми се случуваат и според тоа внимавам на одредени работи во одреден период или знам кога е добар период за нешто, па се фокусирам на тоа.

Дали проверуваш љубовна компатибилност според хороскопски знак? Со кој знак најмногу си одговараш?

Проверувам љубовна компатибилност дури и со потенцијални љубовни интереси (хе, хе).

Искрено, многу верувам во тоа.

Но, не е само до хороскопскиот знак, туку до целата натална карта.

Најмногу си одговарам со Лавови и, можеби, Ракови.

Дали некогаш си престанала контакт со некого затоа што му бил „погрешен“ хороскопскиот знак?

Не сум престанала контакт со никого поради хороскопски знак, дефинитивно.

Но, сум внимавала на одредени работи што знам дека можат да се случат според моето астролошко познавање.

А кој знак мислиш дека најмногу ти одговара како пријател?

Мислам дека за пријатели најмногу ми одговараат сите воздушни знаци, па и сите огнени знаци.

Ако можеше да си избереш друг хороскопски знак, кој би била?

Не знам дали би избрала друг хороскопски знак.

Си ја сакам наталната карта и сум ги прифатила дури и потешките аспекти.

Си направила ли некогаш натална карта?

Да, имам направено натална карта.

Имам многу блиска пријателка која е најдобар астролог кај нас, Марина Говорко, и до ден-денес ја консултирам за сите поважни работи во животот.

Хороскоп секој ден или никогаш? Читаш ли дневен или само општи карактеристики?

Дневен хороскоп не читам, бидејќи мислам дека тоа е тотален мит.

Исто така, ни општите карактеристики не се нешто премногу конкретно и вистинито, затоа што мора да се земе во предвид целата натална карта.

Во твојот живот хороскопот е виновен за...

Во мојот живот хороскопот е виновен за тоа што имам проблем со трпението, а тоа ми е поставено како животна лекција поради начинот на кој ми е поставен Сатурн.

Искрено, и Близнаците имаат проблем со трпение, па мој слоган би бил: „Трпение - спасение.“

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело / фото: Depositphotos.com