Филип Пешевски: „Да се биде пејач во Македонија не е лесно и наивно како што изгледа“

Неодамна, македонската музичка сцена се збогати со уште една нова музичка нумера. Станува збор за песната „Ти ми стоиш најдобро“ на младиот поп-пејач Филип Пешевски. 

filip peshevski da se bide pejac vo makedonija ne e lesno i naivno kako shto izgleda 2

Освен што е студент на Музичката академија во Скопје, насока соло пеење (тенор), тој е член и на Арија Бенд. 

Пред да започне со музиката, Филип тренирал фудбал и сонувал да стане светски познат фудбалер. Посебно задоволство му прави готвење на италијанска храна, редовно одење во теретана, како и повремено играње фудбал.

„Почнав да свирам гитара со цел за да ме сакаат повеќе девојки што е нормално за еден тинејџер. Позајмив гитара од другар, но после првиот отсвирен акорд на гитарата се случи некаква магија, буквално се заљубив во музиката и по одредено време почнав да пеам и видов дека тоа ми оди добро.

Се посветив на приватни часови по соло пеење и се пријавив сам на приемен испит на Музичката Академија во Скопје којшто успешно го положив и веќе сум на крај со студиите“, раскажува Филип.

Тој од секогаш слушал секаков вид на музика, од поп, рок, блуз, народно… Како дете, заедно со брат му слушале многу рап артисти: Еминем, 50 Cent, 2Pac, РНС...

Како созревал, така почнал да се интересира за класична музика, која го освоила и натерала да започне да студира оперско пеење.

filip peshevski da se bide pejac vo makedonija ne e lesno i naivno kako shto izgleda 6

„Искрено за пејачите мислев дека имаат грандиозен и совршен живот без грижи, без обврски, дека целото време е нивно и можат да прават баш сè што ќе посакаат во секое време, но јас се соочив со спротивното.

Се помалку време имам за забава, поголемиот дел од времето го поминувам на настапи, снимање во студио до доцни часови и останати обврски околу музичката кариера“, споделува Филип и додава дека да се биде пејач и музичар во Македонија не е баш лесно и наивно како што можеби изгледа. Потребно е многу работа, дисциплина и голема пожртвуваност.

filip peshevski da se bide pejac vo makedonija ne e lesno i naivno kako shto izgleda 6

Можноста да настапи на Макфест и да се претстави како дебитант со песната „Кукла моја несудена“, за него претставувало огромна чест и задоволство.

Самиот се присетува дека токму на тој фестивал имаат започнато кариерите на најголемите музички имиња од Македонија и дека од тој фестивал се излезени најголемите хитови отпеани на македонски јазик.

filip peshevski da se bide pejac vo makedonija ne e lesno i naivno kako shto izgleda 7

„Самиот предизвик да бидеш пејач е тежок. Без оглед на тоа дали си сам или со бенд мораш да ја дадеш и пренесеш буквално целата енергија, не смееш да бидеш извештачен, бидејќи публиката веднаш ќе го препознае тоа и нема да те прифати“, коментира Филип.

Од неговото досегашно искуство научил дека треба да се биде реален и природен со публиката, исто како што се однесува артистот и во приватниот живот.

„Во оваа професија нема блефирање бидејќи ова не е покер, ова е шах и нема изговор ако изгубиш“, заклучува Филип Пешевски.

filip peshevski da se bide pejac vo makedonija ne e lesno i naivno kako shto izgleda 4

filip peshevski da se bide pejac vo makedonija ne e lesno i naivno kako shto izgleda 4

Слушнете дел од песните на младиот македонски талент:

 

Автор: Евгениј Хоуп | Црнобело

Би можело да ве интересира:

Инспиративен лик: Филип Иванов – пастор во Велес, голем хуманитарец и вљубеник во природа, кој оди н... Филип Иванов (33), веќе 5 години работи како пастор во Велес и во интервју за CR...
Валерија, Русинка која 10 години живее во Демир Капија: „Бев шокирана кога првпат стигнав тука, вино... „Во Македонија најмногу ми се допаѓа топлината на луѓето, отвореноста и можности...
Филип Трајковиќ, еден од двата главни машки лика во Кајмак: „Снимачки ден траеше 12 часа, на сетот и... „И Камка Тоциновски и Сара Климоска се одлични соработници, човек може само да п...

Најчитани неделава

sonovnik-sidebar.jpg