Интервју со Стефанија Димеска (27), најмладата жена пилот во Македонија: „Нашата држава е прекрасна гледана одозгора“

Си возела ли пријатели?

Да, имам летано со моите пријатели и пријателки, и до сега сите имале многу позитивни искуства, што ме радува. Ме поддржуваат и се горди на тоа што го правам.

Знаеме понекогаш да отидеме до аеродром и само да уживаме во мирот и тишината која ја нуди.

Вљубеничка си во спортот, кои спортски активности ги практикуваш?

Да сум, од мали нозе нешто тренирам. Моментално практикувам кросфит и јога. Пасија ми е и Кунг фу и одбојка.

Зимно време одам на скијање и ми е еден од омилените зимски спортови. Понекогаш знам да отидам и на пливање, а за време на летото обожавам нуркање.

Најинтересни посетени дестинации досега …

Најинтересни посетени дестинации ми се спортските аеродроми во другите држави во кои сум била. На пример во Црна Гора, Албанија. Исто така и приморските земји гледани одозгора, тоа се прекрасни и неверојатни глетки.

Што си посакуваш за 10 години на поле кариера?

Па не е баш краток период тоа, но си посакувам да се видам таму каде што ми е целта, вработена во патничка компанија, стационирана во друга држава.

Да работам супер и напорно, да стигнам до капетанска позиција. Да бидам ценета и почитувана од колегите, а најмногу од сè среќна за тоа што сум постигнала таму каде што сум!

Повеќе фотки од Стефанија во галеријата:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело