Армине, Ерменка мажена за Македонец: „Сопругот го запознав во мојот роден град, омилено македонско јадење ми е тавче гравче“

„Во 2000 година се вратив во мојот роден град Армавир и добив работа на проект за водоснабдување на регионот, како преведувач и асистент на генералниот директор на компанијата – Јане Вртески. Таму започна нашата меѓусебна почит, потоа љубов и започнавме да го градиме нашето семејство. Нашата ќерка Анет се роди во Ереван, а после една година Минела се роди во Скопје“, ја започнува својата приказна Армине Пилојан Вртеска (49), од Армавир, Ерменија, за CRNOBELO.com.

armine-ermenka-mazhena-za-makedonec-soprugot-go-zapoznav-vo-mojot-roden-grad-na-rabota-vekje-18-godini-makedonija-mi-e-dom-01.jpg

Армине Пилојан Вртеска (49), родена во Армавир во Ерменија, веќе 18 години живее во Македонија со семејството. По професија е лингвист, дипломирала на Државниот универзитет во Ереван, отсек англиски јазик и на универзитетот работела како професорка по англиски јазик.

Но, нејзината љубов кон уметноста и креативноста, кои вели дека се неизоставен дел од неа, ја воделе кон стекнување и примена на нови знаења, односно изработка на керамички производи, филигран, сликање.

Последните две години заедно со нејзината пријателка Мери, која е исто така Ерменка, креира рачно изработени чоколади и се жени претприемачки во чоколадарница „Ла Ганаш“.

armine-ermenka-mazhena-za-makedonec-soprugot-go-zapoznav-vo-mojot-roden-grad-na-rabota-vekje-18-godini-makedonija-mi-e-dom-08.jpg

Taa ja раскажува својата животна приказна за CRNOBELO.com:

На колку години ја напушти Ерменија и зошто?

Имав 31 година, кога дојдовме да живееме во Македонија – земјата на мојот сопруг.

armine-ermenka-mazhena-za-makedonec-soprugot-go-zapoznav-vo-mojot-roden-grad-na-rabota-vekje-18-godini-makedonija-mi-e-dom-16.jpg

Како започна вашата љубовна приказна?

Во 2000 година се вратив во мојот роден град Армавир и добив работа на проект за водоснабдување на регионот, како преведувач и асистент на генералниот директор на компанијата – Јане Вртески. Таму започна нашата меѓусебна почит, потоа љубов и започнавме да го градиме нашето семејство.

Нашата ќерка Анет се роди во Ереван, а после една година Минела се роди во Скопје. Сега нашите ќерки носат во себе две богати култури, јазици и земји.

armine-ermenka-mazhena-za-makedonec-soprugot-go-zapoznav-vo-mojot-roden-grad-na-rabota-vekje-18-godini-makedonija-mi-e-dom-04.jpg

Ти недостига ли Ерменија?

Ерменија многу ми недостига, секој ден и секој миг…

На почетокот беше многу потешко да се чувствувам дел од средината, но по извесно време, кога веќе можев слободно да комуницирам, кога бројот на пријатели и меѓусебните дружења се зголеми, можев да ги надминам дел од тешките мигови на одвоеност од моето семејство и пријателите во Ерменија.

armine-ermenka-mazhena-za-makedonec-soprugot-go-zapoznav-vo-mojot-roden-grad-na-rabota-vekje-18-godini-makedonija-mi-e-dom-13.jpg

Како изгледа животот таму?

Во последните дваесетина години животот во Ерменија, како и во Македонија, се промени како резултат на глобализацијата, регионалните случувања и демографските движења.

И пред дваесет години и денес јас Ерменија ја чувствувам како магична земја со многу душа, уметност, културни настани, книги…

armine-ermenka-mazhena-za-makedonec-soprugot-go-zapoznav-vo-mojot-roden-grad-na-rabota-vekje-18-godini-makedonija-mi-e-dom-10.jpg

Колку е тешко да се успее во туѓа земја?

Јас мислам дека никаде не е лесно, но со вложен труд, љубов и упорност можно е да се успее секаде.

Според моето искуство, можам да кажам дека познавањето на јазикот, разбирањето и поддршката во семејството, широкиот круг на пријатели, меѓусебната комуникација и дружењата се клучни за интеграција на странец во општеството.

armine-ermenka-mazhena-za-makedonec-soprugot-go-zapoznav-vo-mojot-roden-grad-na-rabota-vekje-18-godini-makedonija-mi-e-dom-06.jpg

Продолжува на следната страна...



Би можело да ве интересира:

Вероника, Русинка мажена во Скопје: „Љубовта ме донесе тука пред 14 години – обожавам ајвар и греана... „Кога дојдов овде првпат, искрено, ми беше чудно кога излегов на тераса и видов ...
Валерија, Русинка која 10 години живее во Демир Капија: „Бев шокирана кога првпат стигнав тука, вино... „Во Македонија најмногу ми се допаѓа топлината на луѓето, отвореноста и можности...
Дарко Трајковски, сликар и тату артист: „Живееме во многу брзо време, не треба да не се потпираме са... Дарко Трајковски од Куманово е сликар и тату артист, кој според приказните на ма...

Најчитани неделава

sonovnik-sidebar.jpg