Елена „Живот со стил“ за свадбата со саканиот Бојан: „Сменивме локација во последните 48 часа, но ја имав својата италијанска бајка“

Елена за CRNOBELO.com открива кој ѝ бил друг омилен миг од свадбениот ден, покрај свадбениот танц :

„Дефинитивно, најмногу уживав во црковната церемонија. За мене бракот е навистина нешто свето и чувството што го имав додека бевме во црква е прекрасно и неопсиливо.

Свадба без црковна венчавка според мене не е свадба и овој најсвет чин за мене е полн со длабоки емоции. Нашата црковна венчавка ја направивме во соборниот храм Свети Климент Охридски.“

За изборот на венчаница, чевли, бидерамер и комплетно нејзиниот изглед, Елена открива:

„Венчаницата ја купив од Солун. Последнивте години сум заљубена во брендот „Milla Nova“ и секогаш со внимание ја следам нивната работа. Точно знаев каков модел ми стои и отприлика ја замислив и својата венчаница.

Кога влегов во продавницата во Солун одбрав 5 венчаници за проба. Оваа што ја одбрав за пробување беше 4-та. Кога ја облеков и велам на другарка ми: ‘Мислам дека ја најдов’.

Излегов од соблекувална и веднаш другарка ми ми упати коментар:

‘Тоа е тоа Елена! – Oва си ти!’

И вистина, од прва се пронајдов.

На денот на свадбата речиси цел ден си ја носев, беше навистина пријатна и лесна за носење.. Но, на на некои 3 часа пред крајот на свадбата сакав да се преоблечам во некое бело кратко свечено фустанче и за среќа младата дизајнерка Моника Димова се погрижи за вториот фустан, во кој се чувствував навистина опуштено и пријатно.

Избрав чевли од брендот „Jimmy Choo“ затоа што овој бренд отсекогаш ми бил асоцијација за префинетост, елеганција и женственост. Најдобро облечените дами во светот носат „Jimmy Choo“ и без двоумење се одлучив за овој бренд. Навистина се удобни.

За шминката се погрижи Милена Косиќ, фризура „Hair Do“ салонот, а за бидермаерот се погрижи Елена од „Fancy Flower Boutique“.

Продолжува на следната страна...