Мајката на малата хероина Дариа која ја победи леукемијата: „9 месеци беа разделени со братчето, откако излеговме од болница не се двои од него“

„Дариа ненадејно почна да го губи апетитот и стана многу бледа. Лекувањето од леукемија трае од 7 до 9 месеци и се состои од 3 циклуси хемотерапија, а поради јаките хемотерапии поголем дел е со престој во болница. Девет месеци сопругот и синот ги гледавме само од тераса“ – вели за CRNOBELO.com, Азра Чулевиќ, мајката на малата хероина Дариа која ја победи леукемијата и неодамна ја напушти Детската клиника во Скопје.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-01.jpg

Минатата недела македонската јавност имаше можност да проследи како 3-годишната Дариа Чулевиќ од Скопје по 9-месечното лекување од леукемија придружувана од братчето Дарис конечно заѕвони на ѕвончето во Детската клиника и си замина оттаму.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-02.jpeg

Мајката на Дариа, Азра Чулевиќ (33) која е невработен економист, во разговор за CRNOBELO.com откри повеќе детали за тоа како ненадејно дознале за болеста на нејзината ќерка, но и за тоа како течело лекувањето.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-03.jpeg

Раскажува како ги поминале изминатите 9 месеци додека заедно со Дариа ја воделе најтешката битка за животот. Од мигот на утврдување на дијагнозата, сѐ до мигот кога Дариа заѕвони на ѕвончето, како траел целиот процес на лекување, но и што е она што следува по излегување од болницата.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-05.jpeg

Проследете го ексклузивното интервју на Азра за CRNOBELO.com во продолжение:

Кажете ни накратко какво детенце беше Дариа пред дијагнозата? Имаше ли нешто што ви беше чудно во нејзиниот развој?

Дариа од секогаш била и сѐ уште е едно весело, среќно и позитивно дете. Како што може да се забележи на сите нејзини фотографии, таа и пред болеста и додека траеше целото лекување имаше огромна насмевка на лицето.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-08.jpg

Кои беа првите симптоми дека нешто не е во ред со Дариа? Како ја добивте дијагнозата?

Дариа ненадејно почна да го губи апетитот и стана многу бледа. Првичните анализи покажаа дека се работи за анемија. По 30 дена терапија, немаше никакво подобрување. Во меѓувреме имаше покачена температура на секои 3 до 4 дена, голема слабост во зглобовите на рацете и нозете и наеднаш почна да губи на тежина.

Тогаш решивме дека е време да одиме на Детска клиника и да ги направиме сите можни подетални анализи, бидејќи не ни беше сфатливо дека се работи за анемија, а да нема ниту еден процент подобрување. Оттука започна целата наша приказна.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-06.jpg

Како реагиравте кога дознавте дека вашето дете боледува од леукемија?

23.11.2021 година кога ни го соопштија резултатот, се сеќавам на тој ден како да беше вчера. Плачевме со денови, едноставно животот ви поминува пред очи во тие моменти.

Но, од вас зависи кој пат ќе го следите. Ние се одлучивме да се смееме и танцуваме, дури и кога деновите ни беа најтешки.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-09.jpg

Дали братчето на Дариа знаеше за болеста и како го прифати тоа?

Од самиот старт, братчето беше вклучено во сѐ. Сепак станува збор за лекување од подолг период и мислам дека секогаш најдобар избор е кога се разговара отворено за сѐ.

Првите 3 до 4 недели му беше тешко да прифати дека ќе бидеме разделени толку долго, но со тек на време сфати дека тоа е за доброто на Дариа.

majkata-na-malata-heroina-daria-koja-ja-pobedi-leukemijata-9-meseci-ne-se-gledaa-a-otkako-izlegovme-od-bolnica-taa-ne-saka-da-se-odvoi-od-bratcheto-11.jpeg

Продолжува на следната страна...



Би можело да ве интересира:

Успешни Македонци низ светот: Ана од Скопје направи хит видео игра со тим од Нови Сад – огромна зара... „Успехот на играта беше тотално неочекуван. Како студенти само сакавме да си ја ...
Алма од Велес: „Имам домашен миленик полжав - Гери живее во аквариум и обожава да се гали“ „За неговото живеалиште, аквариумот, потребно е да нема предмети од коишто може ...
Агнеса Органџиева: „Чуваме кралски питон, еднаш ни исчезна дома и 2 недели не ни доаѓаа гости од стр... „Змијата ја храниме со специјални стаорци што се исклучиво само за рептили и тоа...

Најчитани неделава

sonovnik-sidebar.jpg