Мала хероина: 3-годишната Дариа ја победи леукемијата, постарото братче ја однесе до ѕвончето во Детската клиника
- Детали
- сабота, 23 јули 2022
„Веруваше дека може и успеа“ – стои во описот до видеото во кое се гледа како по долга 9-месечна борба со леукемијата 3-годишната Дариа Чулевиќ од Скопје конечно ја напушти Детската клиника.
Кога гледаме дека некое детенце успеало да се избори и да го победи ракот, тогаш срцето ни е полно. Малата Дариа од Скопје на само 3 години заедно со своето семејство ја водеше најтешката битка за животот и успеа да победи.
За време на долгата 9-месечна борба со леукемијата, македонската јавност редовно можеше да ја следи состојбата на Дариа, преку нејзиниот профил на Инстаграм.
Вчера (22.07.) малата хероина конечно ја напушти Детската клиника во Скопје, а постарото братче Дарис ѝ помогна да се качи на скалите за да заѕвони на ѕвончето.
Како што појасни нејзината мајка Азра, во изјава за CRNOBELO.com, на малата Дариа пред 9 месеци ѝ била дадена дијагноза дека боледува од леукемија, а во изминатиот период примила вкупно 3 циклуси на хемотерапија.
На 3-ти јули годинава Дариа ја прими последната хемотерапија, а две недели подоцна и официјално заѕвони на ѕвончето.
„Веруваше дека може и успеа“ – стои во описот на видеото од малата хероина.
Погледнете го емотивното видео во кое постарото братче ја води Дариа до скалите за да заѕвони на ѕвончето и конечно да ја напушти клиниката.
Б. С. Б. | Црнобело
Би можело да ве интересира:
Препорачуваме
Најчитани неделава
