Уште една хероина заѕвони на Детската клиника во Скопје облечена како принцеза – малата Амина ја победи болеста (видео)

Детали

петок, 30 јануари 2026

Облечена како Елса, во син фустан, со перика со плетенка, круна на главата и магично стапче во рака, малата Амина заѕвони на ѕвончето на Детската клиника во Скопје – ја победи најтешката битка, a видеото ќе ве насолзи, но и ќе ви ја наполни душата со топлина.

На Клиниката за детски болести во Скопје има уште една хероина која победи во битката со болеста. 

Малата Амина заѕвони на победничкото ѕвонче, облечена како Елса од „Frozen“, со син фустан, перика со плетенка, круна на глава и магично стапче.

Нејзиното семејство ја донесе до ѕвончето, а таа силно заѕвони за да го означи крајот на оваа ера.

Овие глетки истовремено ни ја полнат душата со среќа и топлина што го поминале најтешкото, но и ни го стегаат срцето и ни ги полнат очите со солзи заради тоа што толку мали мора да се соочат со ова. 

На објавата од Клиниката напишаа:

Нова радосна вест од Клиника за детски болести!

Победничкото ѕвонче повторно силно звонеше за да слушнат сите дека нашата суперхероина АМИНА храбро ја помина и ја освои тешката битка.

На АМИНА и посакуваме многу здравје и среќно и безгрижно детство!

М. М. | Црнобело