Фани Хаџиева: „На 9 години ми дијагностицираа дијабетес тип 1, примав инсулин по неколкупати на ден, а сега имам пумпа“

Дали станува збор за наследна болест? Има ли некој кај тебе во семејството?

Дијабетесот тип 1 е најчесто наследен, но има и случаи каде што не е.

Јас сум еден од ретките случаи каде што не е наследен.

Родителите на Фани

Колку дијабетесот ти влијае на квалитетот на живот?

Дијабетесот како состојба со која пораснав и живеам веќе 29 години нема никакво влијание на нормалниот тек на животот. Се разбира, потребна е голема контрола и поддршка од семејството и пријателите.

Јас имам прекрасно семејство кое секогаш ми ја дава најголемата поддршка.

Се сеќавам кога бевме мали со (средната) сестра која е 7 години помала од мене, јас кога си ставав инсулин сакаше и таа да се „боцка“, па мораа нашите родители и неа да ѝ дадат пластичен шприц.

Секако, дека во толку долг период има добри и лоши моменти, но како што веќе кажав, моето семејство и лекарскиот тим од ендокринологија беа секогаш со мене.

Колку дијабетесот беше ризик фактор плус во пандемијата? Те плашеше ли тоа?

Уф, ковидот, да! На почетокот бев преплашена, се чував максимално исплашено, но сепак на крај фатив и јас.

Има среќа што се заразив со омикрон и поминав многу лесно. За време на болеста посебно грижа водев за гликемијата да биде регулирана.

Што би им порачала на луѓето кои за првпат се соочуваат со оваа дијагноза? Има ли простор за паника?

Дијабетесот не е болест, тоа е состојба со која се живее долго и нормално.

Сите ние сме медицински докажано слатки.

©CRNOBELO.com Забрането преземање и копирање. Крадењето на авторски текстови е казниво со закон.

Симона Симионова | Црнобело