Христијан Проданов, суперхеројот од нашите маратони: „Аквамен ми беше омилен, а дечињата ми се најголеми фанови“

„Затоа што сум во едноделен костим кој не ‘дише’ доволно добро, знае да стане неподносливо жешко додека трчам и сметам дека не многу од оние кои што трчаат ќе можат да ја издржат таа топлина која се чувствува во костимот...“, раскажува Христијан Проданов (31) од Скопје за CRNOBELO.com, омилениот „суперхерој“ од маратоните во државава.

hristijan-prodanov-superherojot-od-nashite-maratoni-akvamen-mi-beshe-omilen-a-dechinjata-mi-se-najgolemi-fanovi-01.jpg

Христијан Проданов (31) од Скопје е „суперхеројот“ од маратоните во државава, односно маратонецот кој мами насмевка кај публиката без проблем, а особено кај најмалите, кога трча облечен во костим на суперхерој.

Го имаме видено на маратоните како Спајдeрмен, Супермен, Аквамен и сега на последниот маратон како Капетан Америка.

hristijan-prodanov-superherojot-od-nashite-maratoni-akvamen-mi-beshe-omilen-a-dechinjata-mi-se-najgolemi-fanovi-04.jpg

Христијан за CRNOBELO.com споделува од каде идејата за трчање во костими на маратоните:

Од кога љубовта кон трчањето?

Љубовта кон трчањето и општо кон спортот ги имам од мали нозе. Првиот спорт со кој почнав да се занимавам беше ракометот по стапките на татко ми, а потоа преминав на фудбал.

Сега, трчањето на маратони ми е редовна активност со која успеавам да си докажам дека можам да постигнам се што ќе замислам.

Кога првпат трчаше во костим, зошто токму суперхеројски костими?

За првпат во костим се појавив во 2018-та година токму на Wizz Air Скопскиот Маратон. Поради тоа што воопшто не се подготвував за тој маратон, односно полу-маратон на кој бев пријавен, одлучив да направам нешто кое ќе ми помогне во исполнување на целта.

Го облеков костимот на Спајдeрмен, и со тоа постигнав две работи. Првата беше тоа што публиката доби едно поразлично искуство за време на одржување на скопскиот маратон, а втората тоа што со нивната поддршка по улиците јас успеав да „добијам сила“ и успешно да го завршам својот прв полу-маратон.

Какви се реакциите на луѓето?

Има реакции од двата типа. Едните се позитивни, весели, среќни, а другите се оние што не ги сакаме многу, негативните.

Посебно се радувам на реакциите на децата кои стојат покрај патеката и ги бодрат своите браќа сестри, мајки и татковци, затоа што сите знаеме дека детската реакција е најискрена, и се гледа дека уживаат гледајќи го нивниот омилен суперхерој како трча на маратонот.

Жешко ли ти е додека трчаш?

Сè зависи од временските услови, меѓутоа затоа што сум во едноделен костим кој не „дише“ доволно добро, знае да стане неподносливо жешко и тогаш најдобар пријател ми е шишето со вода.

Во секој случај, е причично жешко во него, и сметам дека не многу од оние кои што трчаат ќе можат да ја издржат таа топлина која се чувствува во костимот.

hristijan-prodanov-superherojot-od-nashite-maratoni-akvamen-mi-beshe-omilen-a-dechinjata-mi-se-najgolemi-fanovi-03.jpg

Кои суперхерои си бил досега, кој ти „легна“ најдобро?

Досега се имам појавено во костими на 4 различи херои. Спајдермен беше прв, потоа Супермен, Аквамен, и сега последниот Капетан Америка.

Според реакцијата на публиката по улиците на Скопје и Битола (на битолската трка), сметам дека костимот на Аквамен најдобро се погоди, можеби најмногу затоа што многумина гледаат некаква сличност помеѓу мене и актерот Џејсон Момоа.

Го изработив и трозабецот кој го има Аквамен и го носев со мене цели 21 километар.

Продолжува на следната страна...



Би можело да ве интересира:

Армине, Ерменка мажена за Македонец: „Сопругот го запознав во мојот роден град, омилено македонско ј... „Во 2000 година се вратив во мојот роден град Армавир и добив работа на проект з...
Таткото на 7-годишниот генијалец Македон од Тетово: „Ние не го форсираме детето, тој сам научи да зб... „Најважно што треба да се нагласи е дека ние не го форсираме детето, тоа нас нѐ ...
Валерија, Русинка која 10 години живее во Демир Капија: „Бев шокирана кога првпат стигнав тука, вино... „Во Македонија најмногу ми се допаѓа топлината на луѓето, отвореноста и можности...

Најчитани неделава

sonovnik-sidebar.jpg