Тиа од Скопје, македонска убавица што нè направи горди пред светот: „Јужна Кореја е многу безбедна, ми годи титулата“

„Кога се запишав на факултет, првенствено беше факултет за област која не е моден дизајн. Но, тоа не ме направи среќна. Тоа беше период во животот кога научив дека вистинскиот пат е патот до среќата, каде и да води тој. Потоа, се запишав со огромна желба за студии по моден дизајн и добив целосна стипендија за целото мое студирање“, вели прекрасната Тиа (22) од Скопје, која е прогласена за најфотогеничната студентка на светот на Избор за убавина во Јужна Кореја.

Тијана Петреска - Тиа (22) од Скопје беше избрана за Мис фотогеничност на изборот за убавина „Miss World University“, кој се одржа во Јужна Кореја.

Веста ги преплави нашите медиуми и горди сме на неа. Но, која е всушност Тијана?

Поразговаравме со студентката која ни откри дека светот на модата, најмногу модниот дизајн, отсекогаш ѝ биле сон и дека посветено работи на тоа ова да стане нејзина професија.

Од каде љубовта кон модата, Тиа споделува за CRNOBELO.com:

„Мода, модели и моден дизајн ме интересирало уште од најрана возраст…

Првите мои чекори кои ги започнав беа преку креирање облека на моите Bratz кукли… За време на летните и зимските распусти додека бев во основно училиште и во средно (а и до ден-денес), останував кај баба и дедо.

Баба беше и остана да ми биде најголема поддршка во оваа област. Обожаваше да ме фотографира со различна облека, додека истовремено ме инспирираше и да создавам облека. Дизајнирав и цртав постојано…

Кога се запишав на факултет, првенствено беше факултет за област која не е моден дизајн. Но, тоа не ме направи среќна.

Тоа беше период во животот кога научив дека „вистинскиот пат е патот до среќата”, каде и да води тој.

Продолжува на следната страна....