Борис Новковиќ се разведува по четврти пат – детето со 25 години помладата сопруга не им го спаси бракот

Детали

среда, 22 март 2023

Во 2020-та година рекоа дека се обидуваат да го спасат бракот и најавија дека чекаат уште едно дете. Сега, 3 години подоцна, хрватските медиуми пишуваат дека Борис Новковиќ се разведува по четврти пат и дека неговата 25 години помлада сопруга го избришала неговото име од поштенското сандаче и од вратата на семејниот дом.

Хрватскиот пејач Борис Новковиќ е во брак со 25 години помладата манекенка Ирис Вулф, но според пишувањата во балканските медиуми, веројатно е дека тој ќе се разведе по четврти пат.

Борис (55) и Ирис (30) заедно имаат две деца, а за кризата во нивниот брак почна да се шпекулира уште во 2020-та година кога тие двајца почнаа да живеат одвоено, а манекенката одлучи да се врати на работните ангажмани.

Но, набрзо по избувнувањето на пандемијата, парот објави дека ја надминале кризата и дека очекуваат второ дете. Во април 2021-ва година го добија синчето на кое му дадоа необично име, Нео.

„Ние се обидуваме ова да го спасиме на наш начин“ – рече тогаш Борис Новковиќ во изјава за медиумите.

Освен синот, тие имаат и 3-годишна ќерка која се вика Си.

Инаку, од 2020-та година Борис престана да ја следи својата сопруга на социјалните мрежи, а престана да објавува и заеднички фотографии со неа.

Хрватскиот весник 24sata пишува дека соседите на познатиот пар одамна не ги виделе заедно, а на вратата и на поштенското сандаче во домот каде живее сопругата, веќе не стои презимето Новковиќ, туку само Вулф.

Парот ја започна врската во 2019-та година, а Борис претходно бил во брак и со Луција Матиќ со која има две деца, но и со актерката Бојана Грегориќ Вејзовиќ и политокологот Инес Катиќ.

Б. С. Б. | Црнобело