Гоца Тржан со моќна порака до сите жени што се борат за потомство: „Неплодноста не е само женски проблем“

Детали

понеделник, 03 април 2023

„Не губете време, затоа што времето за жените е мошне важно. Мажот може да стане родител и на 70 години, а жената не“ – им порача Гоца Тржан на сите жени коишто се борат со неплодност и се обидуваат да станат мајки.

Гоца Тржан (48) освен што има настапи како пејачка, во изминатиот период работи и како водителка на српска телевизија.

За време на својата последна емисија, таа ја отвори душата пред гледачите и упати моќна порака до сите жени кои се во 30-тите и 40-тите години од животот, а се обидуваат да станат мајки.

„Сакам да им порачам на жените кои сакаат да станат мајки, а имаат сопрузи кои не сакаат да се проверат и да се лекуваат, дека треба да бегаат од таков маж, затоа што тој не сака дете.

Од друга страна, кога мажите се целосно здрави, а вие чекате да се случи некаква магија, тоа нема да се случи. Не губете време, затоа што времето за жените е мошне важно. Мажот може да стане родител и на 70 години, а жената не“ – изјави таа.

Пејачката вели дека долги години не се откажала од битката затоа што, како што рече, „таа не е нормална“.

„Тоа е голем ролеркостер од емоции. Мислам дека ако долго време се обидуваш нешто, ќе успееш. Тоа е единствен начин да фатиш некаков ред.

Исто така, потребно е да имате гинеколог и ембриолог кои ќе бидат искрени и ќе ви кажат дека треба да престанете да се обидувате да станете родители со вашите јајце-клетки, туку да одите на донација“ – рече таа.

Инаку, Гоца и нејзиниот 14 години помлад сопруг Раша, веќе 12 години се обидуваат да добијат дете.

Пејачката во неколку наврати отворено зборуваше за нејзината борба за потомство, но сите обиди за ин витро оплодување завршија безуспешно.

Прочитајте и Гоца Тржан по петтиот неуспешен обид за ин витро: „Не ни дозволуваат да посвоиме дете затоа што имам 48 години“

Б. С. Б. | Црнобело