Се скара со другарка за да биде со него, а по само 8 месеци брак се разведува – Турската актерка Демет Оздемир повторно е сингл

Детали

четврток, 13 април 2023

Таа беше другарка на неговата поранешна девојка и се верува дека го „украла“ од неа. По само 8 месеци брак се разведува од сопругот, заради расправија по роденденската забава – убавата актерка Демет Оздемир става крај на бракот со колегата Озхан Коч.

Демет Оздемир во моментов важи за една од најсексапилните турски актерки, која глуми во голем број турски серии, но и во турскиот филм што се емитува на Нетфликс, Ask Taktikleri.

Таа беше во брак со познатиот турски актер Озхан Коч само 8 месеци, а наводно причините за развод се бизарни.

Турските медиуми го пренесуваат соопштението на убавата турска актерка Демет Оздемир со кое таа најавува дека по неполна година брак, одлучила да се разведе од сопругот Озхан Коч.

„Вистина е дека не успеавме да го одржиме бракот подолго време и дека одлучивме да ставиме крај.

Знаеме дека оваа одлука што ја донесовме со заемна почит и разбирање ќе влијае и врз нашите семејства и постарите.

Даваме сѐ од себе да го завршиме овој процес и притоа да имаме почит кон нашите семејства.

Ве молиме да ја почитувате нашата одлука“ – стои во соопштението.

Според блиски извори до парот кој направи свадба во август минатата година, само 1 до 2 месецa откако стапиле во брак, Демет и Озхан имале проблеми и чести расправии, но на разводот му претходела бизарна расправија.

Озхан ја налутил Демет со тоа што организирал роденденска забава за нејзиниот роденден (26.02), а таа не сакала да слави во време кога нејзината земја беше потресена заради случувањата со катастрофалниот земјотрес.

Наводно, непримерното однесување на Озхан за време на забавата ја прелеало чашата и тие двајца се скарале, по што Озхан се преселил во домот на негов близок пријател.

Кога се појавија првите шпекулации за недоразбирањата во бракот, Озхан даде кратка изјава и рече дека и тие како и сите останати брачни парови имаат недоразбирања.

Инаку, Демет и Озхан беа заедно од 2019-та година, а на почетокот на врската привлекуваа внимание затоа што Демет претходно била другарка со поранешната девојка на Озхан и се веруваше дека таа ѝ го украла дечкото.

Претходно Демет често излегувала заедно со Озхан и неговата тогашна девојка Јамур Танрисевсин, а откако парот бил фотографиран во хотел заедно за Нова година, конечно ја признаа врската и потврдија дека се заедно подолго време.

Прочитајте и Бившиот сопруг на Емина Јаховиќ ја направи славна, ѝ го украла дечкото на најдобра другарка – Што знаеме за турската актерка Демет Оздемир?

Б. С. Б. | Црнобело