Милица Дабовиќ, по Survivor и скандалите со Only Fans профилот, најде дечко - заедно на одмор во Лас Вегас

Детали

сабота, 20 мај 2023

„Голем човек си, а мој. Замисли колку среќна жена сум јас. Го освои мојот свет...“, Милица Дабовиќ му посвети емотивна објава на саканиот, со кого периодов ужива во Лас Вегас и кому очигледно не му пречи нејзиниот Only Fans профил.

Поранешната српска кошаркарка Милица Дабовиќ стана мошне популарна откако учествуваше во српското издание на шоуто Survivor, а потоа поттикна лавина од реакции кога откри дека отворила профил на Only Fans.

Таа е мајка на едно дете, а секогаш нагласува дека низ животот се движи сама, слободна и своја.

Но, сепак за првпат, Милица неодамна објави дека е навистина вљубена и дека го пронашла вистинскиот маж за себе.

Таа објави низа заеднички фотографии со саканиот Милан и му посвети емотивна објава:

„Добрина, храброст, искреност, упорност, лудост, убавина, големина, сила, енергија, вредност, страст, сето тоа го гледам кај тебе и сето тоа сè повеќе го сакам.

Голем човек си, а мој. Замисли колку среќна жена сум јас.

Таа нераскинлива поврзаност и мојата најголема љубов ми се случи во оној миг кога се сретнавме и се погледнавме директно во очи. Го освои мојот свет со суштината на твојата личност. Колку е тоа неверојатно добро чувство.

Ги обои моите бои во посветли тонови, се разоружав и го фрлив на земја штитот со кој со години се бранев, си допуштив себеси да верувам и во твоите очи, во кои видов нов свет во кој ќе се градиме.

Ти ми донесе мир, ми го осветли небото, ме наслика без четкичка и платно.

Кога човек сака жена како ти мене, а жената сака човек како јас тебе, безусловно, единствено, лудо, нереално и силно, се случува вистинска и силна љубов, таа која се сака и која се сонува.

Ти си мој маж пред светот и пред Бога, мој свет, моја душа, моја смисла на животот.

Нашата љубов е бескрајна“.

Парот периодов е на патување во Лас Вегас, а дека Милица вистински ужива покрај својот сакан, доказ е и последната фотографија на која напиша „Само ти“.

С. С. | Црнобело