Пар од Србија обожава живот на 4 тркала - одат на авантури со комбе или автобус и со 2 деца и 2 кучиња
- Детали
- недела, 21 мај 2023
„Децата од мали нозе ги учиме на акција, па наместо да им читаме пред спиење за некоја земја од соништата, ние ги носиме таму за да истражат нова локација, средина, навики. Често се прашуваме дали премногу ги малтретираме, дали би биле посреќни ако живееме поинаку...“, велат Ања Вуковиќ и Страхиња Танасковиќ од Србија.
Ања Вуковиќ и Страхиња Танасковиќ се авантуристички пар од Србија. Тие пред 6 години одлучиле да дадат отказ од работа и да живеат живот на 4 тркала, односно да патуваат со комбе низ светот.
Сега, 4 години подоцна, по 2 деца и 2 кучиња, тие не се откажуваат од овој животен стил. Некогаш патуваат со наменско опремено комбе, а некогаш пак со специјално адаптиран автобус.
На нивниот Инстаграм профил Whatifness, каде имаат повеќе од 55.000 следбеници, тие неодамна се потсетија како започнало сè.
Нивната објава гласи:
„Од првиот ден кога преспавме во комбе на еден наш другар и се разбудивме на брегот на Атлантикот, знаевме дека никогаш нема да повлечеме рачна.
Шест години подоцна, имаме две деца и две кучиња, но нас и понатаму не нè држи место, затоа што животот во движење е чиста среќа“.
Во едно интервју за српските медиуми тие проговорија за нивниот животен стил.
„Децата од мали нозе ги учиме на акција, па наместо да им читаме пред спиење за некоја земја од соништата, ние ги носиме таму за да истражат нова локација, средина, навики...
Често се прашуваме дали премногу ги малтретираме, дали би биле посреќни ако живееме поинаку, дали недостигот од рутина ќе им попречи во раниот развој, дали во главата се збунети што е тоа дом и што ќе нацртаат еден ден кога наставничката ќе им каже да го нацртаат својот дом – дали тоа ќе биде комбе, автобус или камената викендичка која ја обожаваме...?“
Погледнете како изгледа нивниот животен стил низ фотографии:
Продолжува на следната страница...
Би можело да ве интересира:
Препорачуваме
Најчитани неделава
